ްދިވެހިރާއްޖެއާއި ޗައިނާއާ ދެމެދުގައި އޮންނަ ޚާރިޖީ ގުޅުމަކީ ކުދި ޤައުމުތަކާއި، ބޮޑެތި ޤައުމުތަކާ އޮންނަ ގުޅުން، އެންމެ ފުރިހަމައަށް ދައްކުވައިދޭ ރީތި މިސާލެއް ކަމަށް ޗައިނާއިން ދިވެހިރާއްޖެއަށް ކަނޑައަޅާފައި ހުންނަވާ ސަފީރު، ވިދާޅުވެއްޖެއެވެ.
ޗައިނާ ސަފީރު ލޯކަލް ގަވަރމަންޓް އެންޑް ޕަބްލިކް ވާރކްސް އާދަމް ޝަރީފު ޢުމަރުގެ އަރިހަށް އިޙްތިރާމުގެ ޒިޔާރަތެއް އިއްޔެ ކުރައްވައިވައިވާއިރު، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާ އޮތް މި ބައްދަލުވުމުގައި ޕްލޭނިންގ ޑިޕާޓްމެންޓްގެ މުވައްޒަފުން ވެސް ބައިވެރިވެލެއްވިއެވެ.
މި ބައްދަލުވުމުގައި، ދިވެހިރާއްޖޭގެ ތަރައްޤީގެ ރާސްތާގައި އެހީތެރިވުމަށް ޗައިނާގެ ސަރުކާރުން ދެއްވާ އަހަންމިއްޔަތުކަން ސަފީރު ކޮންގް ފާހަގަކުރެއްވިއެވެ. އަދި، ޗައިނާގެ ރައީސް ޝީ ޖިންޕިން ފާހަގަކުރައްވާ ފަދައިން، ދިވެހިރާއްޖެއާއި ޗައިނާއާ ދެމެދުގައި އޮންނަ ޚާރިޖީ ގުޅުމަކީ ކުދި ޤައުމުތަކާއި، ބޮޑެތި ޤައުމުތަކާ އޮންނަ ގުޅުން، އެންމެ ފުރިހަމައަށް ދައްކުވައިދޭ ރީތި މިސާލެއް ކަމަށް ވެސް ސަފީރު ފާހަގަކުރެއްވިއެވެ.
ސަފީރު ކޮންގްގެ އިސްނެންގުމުގެ ދަށުން، ދިވެހިރާއްޖެއާއި، ޗައިނާއާ ދެމެދު އަބަދުވެސް އޮންނަ ގާތް ގުޅުމާއި ރަޙުމަތްތެރިކަން އިތުރަށް ވަރުގަދަވެގެންދާނެކަމުގެ ފުރިހަމަ ޔަޤީންކަން އޮތްކަމުގައި މި ބައްދަލުވުމުގައި މިނިސްޓަރ ދެއްކެވިވާހަކަފުޅުގައި ވިދާޅުވިއެވެ.