ކުށުގެ ވެއްޓަށް އަންނަމުންދާ ބަދަލުތައް ދެނެގަތުމަށް މައުލޫމާތު ހޯދުމުގެ ހަރަކާތެއް މަޑަވެލި އަދި ހޯނޑެއްދޫގައި ފަށައިފިއެވެ.
މިމަހުގެ 14 ވަނަ ދުވަހުން ފެށިގެން މި މަހުގެ ނިޔަލަށް މި ހަރަކާތް ކުރިއަށް ގެންދަނީ މަޑަވެލި އަދި ހޯޑެއްދޫ އަވައްޓެރި ފުލުހުންނެވެ.
މި ހަރަކާތުގައި، ދެ ރަށުގެ ކަމުވޮށިގެންވާ ފަރާތްތަކާއި، އިސްރަށްވެހިންނާއި، މުއައްސަސާތަކުގެ ވެރިންގެ އިތުރުން ވިޔަފާރިވެރިންނާ ބައްދަލުކޮށް މައުލޫމާތު އޮޅުންފިލުވާނެއެވެ. އެގޮތުން، ރަށުގެ ކުށުގެ ވެށީގެ ހާލަތާއި ކުށްމަދުކުރުމަށް ރައްޔިތުންނާ ގުޅިގެން އިތުރަށް ކުރެވިދާނެ މަސައްކަތްތަކާ ގުޅޭގޮތުން މަޝްވަރާކޮށް އަދި އެ ފަރާތްތަކުގެ ހުރި ކަންބޮޑުވުންތައް އޮޅުންފިލުވާނެއެވެ.
މި ހަރަކާތުގެ ސަބަބުން، ރައްޔިތުންނާ ވީހާވެސް ގާތުން މަސައްކަތްކޮށް، ރައްޔިތުންގެ ކަންބޮޑުވުންތަކަށް އަވަސް ހައްލުހޯދައިދީ އަދި ރައްޔިތުންނަށް އިތުބާރުކުރެވޭ ހިދުމަތެއް ފޯރުކޮށްދިނުމާއެކު ކުށުގެ ވެއްޓަށް އަންނަމުންދާ ބަދަލުތަކާއި ކުށުގެ ބިރުވެރިކަން އޮތް މިންވަރު ދެނެގަނެ، ފުލުހުން އިތުރަށް މަސަައްކަތްކުރަންވީ ގޮތް ދެނެގަނެވޭއެވެ.