އަޅުގަނޑުގެ ސިޔާސަތަކީ ރާއްޖޭގެ ކުޑަ މުޖުތަމަޢަކީ ސިއްޙީގޮތުން ދުޅަހެޔޮ މުޖުތަމައަކަށް ހެދުން ކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވީ ދުންފަތް ކޮންޓްރޯލްކުރުމާ ބެހޭ ޤާނޫނަށް ގެނައި އިސްލާހު ތަސްދީގު ކުރެއްވުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.
ރައީސް ވިދާޅުވީ އެމަނިކުފާނުގެ ސިޔާސަތަކީ ރާއްޖޭގެ ކުޑަ މުޖުތަމަޢަކީ ސިއްޙީގޮތުން ދުޅަހެޔޮ މުޖުތަމައަކަށް ހެދުން ކަމަށާއި، މުޖުތަމަޢުގައި ނުރަނގަޅު އެކި އާދަތައް އެބަހުރިކަމަށާއި އެ އާދަތައް ނައްތާލެވޭނެ ކަމަށްވެސް ރައީސް ވަނީ ވިދާޅުވެފައެވެ.
ދުންފަތް ކޮންޓްރޯލް ކުރުމާބެހޭ ޤާނޫނަށް ގެނައި އިސްލާހާއެކު ދުންފަތުގެ ވަބާއިން މުތުތަމައު ސަލާމަތްކުރުމަށް ކުރާ މަސައްކަތްތަކަށް ވަށައިޖެހޭ ހައްލެއް ލިބިގެންދާނެ ކަމަށް ރައީސް ވަނީ ވިދާޅުވެފައެވެ.
ދުންފަތް ކޮންޓްރޯލްކުރުމާބެހޭ ޤާނޫނަށް ގެނައި އިސްލާހާއެކު އެ ދަތިތަކަށް ހައްލު ލިބިގެންގޮސްފައިވާ ކަމަށާއި އަދި ޤާނޫނަށް ގެނައި ބަދަލާއެކު ރާއްޖޭގެ މިހާރުގެ އާބާދީގެ 30.1% ދުންފަތުގެ އިސްތިއުމާލުކުރުމުން ދުރުކުރެވޭނެ ކަމަށް ރައީސް ވަނީ ވިދާޅުފައެވެ.