މި އަހަރުގެ އަޟްޙާ ޢީދުގެ ހަރަކާތްތަކާއި ކުޅިވަރުތައް ޝަރަފުވެރިކޮށްދެއްވުމަށް ޓަކައި އިޖުތިމާޢީ އަދި ޢާއިލީ ތަރައްޤީއާއި ބެހޭ ވަޒީރު ޑރ.އާއިޝަތު ޝިހާމް ލ. ގަމަށް ވަޑައިގަންނަވައިފިއެވެ.
ވަޒީރު ޢާއިޝަތު ޝިހާމް ގަމަށް ކުރަށްވާ މި ދަތުރުފުޅަކީ ޤައުމީ ފެންވަރުގައި ސަރުކާރުން މި އަހަރު ހައްދުންމަތީ ގަމުގައި ފާހަގަކުރާ ކުރައްވާ ޒިޔާރަތެކެވެ.
ވަޒީރު ޑރ. ޢާއިޝަތު ޝިހާމަށް ލ. ކައްދޫ އެއަރޕޯޓުން މަރުޙަބާ ދެންނެވީ ރައްޔިތުންގެ މަޖިލީހުގެ ހައްދުއްމަތީ ގަމު ދާއިރާގެ ޢިއްޒަތްތެރި މެމްބަރު ޔޫސުފް ނަޝީދާއި، ގަމު ކައުންސިލްގެ ރައީސް އަޙްމަދު ޒަކީއާާއި، ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ސްޓޭޓް މިނިސްޓަރ އަޙްމަދު މުނާޒާއި ވުޒާރާގެ ޓީމުގެ ބޭފުޅުންގެ އިތުރަށް، ފޮނަދޫ ކައުސިލްގެ ރާއީސް އަޙްމަދު ރިޔާޒާއި އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ ސްޓޭޓް މިނިސްޓަރ ޢާއިޝަތު ޒުހުރުބާނެވެ.
ހައްދުންމަތީ ގަމުގެ ތިން އަވަށުގައި ވެސް ވަރަށް ފޯރިޔާއެކު މި އަހަރު ގެ އަޟްޙާ ޢީދު ފާހަގަ ކުރުމަށް ގަމުގެ ރައްޔިތުން ދަނީ އެންމެ ފަހުގެ ތައްޔާރީތައްވަނުންނެވެ. ރަށުގެ ހުރިހައި އުމުރެއްގެ އަންހެން ފިރިހެން އަދި ޒުވާނުންނާއި އިސް ރަށްވެހީންގެ ބައިވެރިވުމާއެކު ކައުންސިލްގެ ފަރާތުން ދަނީ މި ފަހަރުގެ ޢީދު އެހެން އަހަރުތަކާ ޚިލާފަށް ކުލަގަދަކޮށް ފާހަގަކުރުމަށް ތައްޔާރީތައްވަމުންކަމުގައި ގަމު ކައުންސިލްގެ ރައީސް ޒަކީ ވިދާޅުވިއެވެ.
ހައްދުންމަތީ ގަމުގައި މި އަހަރުގެ އަޟްޙާ ޢީދުގެ ހަރަކާތްތައް ފެށުމަށް ހަމަޖެހިފައިވަނީ މިރޭ އޮންނަ ޢީދު ވެދުމާ ދިއުމުގެ ހަރަކާތުންނެވެ. މިއަހަރުގެ އަޟްޙާ ޢީދު ފާހަގަކުރާ 3 ރަށުގެ ހަރަކާތްތައް ވެސް ޕީ.އެސް.އެމްގެ ޗެނަލްތަކުން ވަގުތުން ދެއްކުމަށްވަނީ ހަމަޖެހިފައެވެ.