ފީބާ 16 އަހަރުން ދަށުގެ އޭޝިއާ ކަޕް ސާބާ ކޮލިފަޔާސްގައި ރާއްޖޭގެ އަންހެން ޓީމުން މިއަދު ކުޅުނު ފުރަތަމަ މެޗުގައި ބަނގްލަދޭޝްއާ ދެކޮޅަށް ކުޅެ، 104-15 ޕޮއިންޓުން މޮޅުވެއްޖެއެވެ.
މިއަދު ހަވީރު ޒުވާނުންގެ މަރުކަޒުގައި ކުޅުނު މި މެޗުގައި، ފެށުނީއްސުރެ ރާއްޖޭގެ ޓީމުން ދެއްކި ފޯމާއެކު، ބަނގްލަދޭޝްއަށް އެއްވެސް ފުރުސަތެއް ނުދީ ޖެހިޖެހިގެން ސްކޯކުރިއެވެ. މެޗުގެ ފުރަތަމަ ކުއާޓަރގައި ރާއްޖެއިން 54 ޕޮއިންޓް ހޯދިއިރު، ބަނގްލަދޭޝްއަށް ހޯދުނީ އެންމެ 6 ޕޮއިންޓެވެ.
މެޗުގައި ރާއްޖެއަށް އެންމެ މޮޅު ކުޅުމެއް ދެއްކި ކުޅުންތެރިޔާގެ ގޮތުގައި މަރިޔަމް ކައިލީން ޝިރުހާން ފާހަގަކުރެވުނެވެ. އޭނާ އެކަނި 26 ޕޮއިންޓް ހޯދައިދިނެވެ. ދެވަނަ ކުއާޓަރގައި ރާއްޖެއިން 53 ޕޮއިންޓް ހޯދިއިރު، ބަނގްލަދޭޝްއަށް ލިބުނީ 6 ޕޮއިންޓެވެ.
ތިންވަނަ ކުއާޓަރގައި ރާއްޖޭގެ ޓީމުން އިތުރަށް ފޯމު ރަނގަޅުކޮށް، 90 ޕޮއިންޓަށް ސްކޯ އިތުރުކުރިއެވެ. މި ކުއާޓަރގައި ބަނގްލަދޭޝްއަށް ލިބުނީ 9 ޕޮއިންޓެވެ. ހަތަރުވަނަ އަދި ފަހު ކުއާޓަރގައިވެސް ރާއްޖޭގެ ޓީމުގެ ފޯމު ދަށްނުވެ، މެޗު ނިމުނުއިރު ސްކޯ ބޯޑުގައި 104-17 ޖެހިފައިވަނިކޮށެވެ.
މި މުބާރާތުގައި ރާއްޖޭގެ ޓީމުން ދެން ކުޅޭނީ މާދަމާ ރޭ 8:00 ގައި ސްރީލަންކާއާ ދެކޮޅަށެވެ. .