ފުޑް ސެކިއުރިޓީ ގެ ޤައުމީ މަޝްރޫޢެއް ފެށުމަށް ބޭނުންވާ ބިން، ގއ. ކޮނޑޭ ކައުންސިލުން، ދަނޑުވެރިކާމާއި ދިރޭތަކެއްޗާ ބެހޭ ވުޒާރާއަށް ހަވާލުކޮށްފިއެވެ.
ފުޑް ސެކިއުރިޓީ ގެ ޤައުމީ މަޝްރޫޢެއް ފެށުމަށް ބޭނުންވާ ބިން ހަވާލުކޮށްފައިވަނީ ދަނޑުވެރިކަމާއި ދިރޭތަކެއްޗާ ބެހޭ ވުޒާރާގައި ބޭއްވި ރަސްމިއްޔާތުގައެވެ.
މި ރަސްމީޔާތުގައި ދިރޭތަކެއްޗާ ބެހޭ ވަޒީރު ޑރ. މަރްޔަމް މާރިޔާ އާއި އެ ވުޒާރާގެ އިސްވެރިން ބައިވެރިންނާއި، އަދި ގއ. ކޮނޑޭ ކައުންސިލުގެ މެންބަރުން ވެސް ވަނީ ބައިވެރިވެފައެވެ.
މި މަޝްރޫއުގެ ދަށުން މޭވާއާއި އާންމުކޮށް މީހުން ކައިއުޅޭ ތަކެތި ހެއްދުމަށް އިސްކަން ދެވިގެންދާނެކަމަށާއި، އަދި ދަނޑުވެރިކަމުގައި ޒަމާނީ ޓެކްނިލޮޖީ ބޭނުންކޮށްގެން މި މަސައްކަތް ކުރިއަށް ގެންދިޔުމަށް ނިންމާފައިވާކަމަށް އެ ވުޒާރާއިން ވަނީ ހާމަކޮށްފައެވެ. އަދި މި މަޝްރޫގެ އެންމެ ބޮޑު ބޭނުމަކީ ޓެކްނޮލޮޖީ ބޭނުންކޮށްގެން އުފެއްދޭ ތަކެތި އުފެއްދުމާއި އަދި ރާއްޖޭގައި އާލާކުރަން ބޭނުންވާ ބައެއްތަކެތި މި ތަނުގައި ހެއްދުންކަމަށް ވެސް ވަނީ ވިދާޅުވެފައެވެ.