ގޭންގުތައް ހުއްޓުވުމުގެ ޤާނޫނުން ފުލުހުންނަށް ލިބިދޭ ބާރުގެ ނާޖާއިޒް ފާއިދާ ނެގުމުގެ ފުރުޞަތު ނުދެއްވާނެ ކަމަށް ކޮމިޝަނަރ އޮފް ޕޮލިސް އިސްމާޢީލް ނަވީން ވިދާޅުވެއްޖެއެވެ.
ސީޕީ މިފަދައިން ވިދާޅުވީ ދައުލަތުގެ މީޑިއާއަށް ދެއްވި އެންޓަރވިއުއެއްގައެވެ.
ޖަމާޢަތް ހަދައިގެން ރާއްޖޭގައި ކުރާ ކުށްތަކާއި އެނޫންވެސް ކުށްތައް ހުއްޓުވުމަށް ޚާއްސަ ޤާނޫނެއް ފާސްކޮށް ޢަމަލުކުރަން ފަށާފައިވާއިރު، ޤާނޫނު ތަންފީޒުކުރަން އިދާރާތަކުން ފަށާނީ، ރައީސުލްޖުމްހޫރިއްޔާ ބިލް ތަސްދީޤު ކުރައްވާތާ 3 މަސް ފަހުންނެވެ.
އަލަށް ގެނެވުނު މި ޤާނުނުގައި ގޭންގުތައް ހުއްޓުވުމަށް މީގެކުރިން ފުލުހުންނަށް ދިމާވާ އެކި ގޮންޖެހުންތައް ހައްލުކޮށް ގިނަ ބާރުތަކެއް ފުލުހުންނަށް ވަނީ ދީފާއެވެ.
ސީޕީ ވިދާޅުވީ ޤާނޫނު ތަންފީޒުވާން ފެށުމުން ފެނިގެންދާނީ ފުލުހުންގެ ނަޒާހާތްތެރިކަން ކަމަށެވެ.
ސީޕީ ވަނީ މި ޤާނޫނު ފުރިހަމައަށް ތަންފީޒުވާން ފުލުހުން ކުރަން ޖެހޭ މަސައްކަތްތަކެއް ހުރިކަން ފާހަގަކުރައްވައި، މިހާރު އެކި ގޮތްގޮތުން މައުލޫމާތު އެއްކުރުމުގެ މަސައްކަތް ކުރިއަށްދާކަން ފާހަގަކުރައްވާފައެވެ.