ވޯލްޑް އެންޓި ޑްރަގް ޑޭ، 900 އަށްވުރެ ގިނަ ބައިވެރީންނާއެކު ތިނަދޫ ސިޓީގައި ފާހަގަ ކޮށްފިއެވެ.
ވޯލްޑް އެންޓި ޑްރަގް ޑޭ، ފާހަގަ ކުރުމަށް ގިރިންދާ ޖަމިއްޔާއިން ބޭއްވި މި ފަންރަން އަށް ވަރަށް ގިނަ ބައިވެރިންގެ ސަޕޯޓް ލިބިގެން ދިޔަ އެވެ. އޭގެތެރޭގައި ތިނަދޫގެ އެކިއެކި މުއައްސަސާތަކުން މީހުން ބައިވެރިވެފައިވާއިރު، ރަށުން ބޭރު ރައްރަށުގެ ކައުންސިލުތަކާއި އަދި ޙާއްސަކޮށް އެ އަތޮޅުގެ ދާންދޫ ކައުންސިލްގެ ރައީސް ވެސް ވަނީ މި ފަންރަން އިން ފެނިގެންގޮސްފައެވެ.
ގިރިންދާ އަކީ ހިތްވަރުގަދަ އައު ހިޔާލުތަކަކާއި ޒުވާން، ހުށިޔާރު، ވިސްނުންތަކެއް އުފައްދަމުންދާ ޖަމިއްޔާއެވެ.
މި އިވެންޓުގައި ބައިވެރިވުމަށް އެއްވެސް ފީއެއް ދައްކާފައިނުވާއިރު، މިއީ އަތޮޅުތެރޭގައި ބޭއްވުނު މިފަދަ އެންމެ ބޮޑު އިވެންޓެވެ.
މި ފަންރަން ބޭއްވުމުގެ މަގުސަދަކީ މަސްތުވާތަކެތީގެ ނުރަށްކަލާއި ދޭތެރޭ މުޖުތަމައު ހޭލުންތެރި ކުރުމާއި، މަސްތުވާތަކެތީގެ ވަބާއިން ސަލާމަތްވެފައިވާ ފަރާތްތަކަށް އެއްބާރުލުން ދިނުމެވެ.
މި އިވެންޓަށް ވަނީ ވަރަށްބޮޑު ތަރުހީބެއް ތިނަދޫ ސިޓީގެ ހުރިހާ ރައްޔިތުންގެ ފަރާތުންނާއި ހުރިހާ މުއައްސަސާތަކުގެ ފަރާތުން ލިބިފައެވެ.
މި ހަރަކާތް ކުރިޔަށް ގެންދިޔުމަށް ގިރިންދާއާ ބައިވެރިވެފައިވަނީ:
- މޯލްޑިވްސް ޕޮލިސް ސަރވިސް
- ނޭޝަނަލް ޑްރަގް އެޖެންސީ
- ގދ. އަތޮޅު ޕޮލިސް
- ގދ. އަތޮޅު ކައުންސިލް
- ތިނަދޫ ސިޓީ ޕޮލިސް
- ތިނަދޫ ސިޓީ ކައުންސިލް
- ރައުހަތު ސްޕޯޓްސް
ގިރިންދާ ޖަމިއްޔާއަކީ 23 ފެބުރުއަރީ 2023 ގައި އުފެދުނު ޖަމިއްޔާއެކެވެ. އަދި މި ޖަމިއްޔާގެ މައިގަނޑު މަގުސަދަކީ މަސްތުވާތަކެތީގެ ވަބާގައި ޖެހިފައިވާ ފަރާތްތަކަށް އެހީވެ، އެ ފަރާތްތައް މުޖުތަމައަށް އަނބުރާ ގެނައުމަށް މަސައްކަތް ކުރުމެވެ.
ވޯލްޑް އެންޓި ޑްރަގް ޑޭ އިތުރަށް ފާހަގަ ކުރުމަށް ގިރިންދާއިން ދަނީ މާދަމާރޭ ޖަލްސާއެއް ބޭއްވުމަށް ގއ. ދާންދޫ ބަނދަރު ތައްޔާރު ކުރަމުންނެވެ.