ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މ. މުލަކު ސްކޫލުގެ ފުޓްސަލް ދަނޑުގައި ކުރަމުންދާ މަސައްކަތުގެ ތަފްސީލު ހާމަކޮށްފިއެވެ.
އާރްޑީސީން މިއަދު ބުނެފައިވާ ގޮތުގައި، އެ ކުންފުނީގެ އިޖުތިމާއީ ޒިންމާގެ ދަށުން މުލަކު ސްކޫލުގެ ފުޓްސަލް ދަނޑު އެއްވަރު ކުރުމާއި ބެކް ފިލިންގްގެ މަސައްކަތް މިހާރު ދަނީ ކުރިއަށެވެ. މި މަސައްކަތަކީ މިއަހަރުގެ ކުރީކޮޅު އާރްޑީސީން ހަވާލުވެފައިވާ މަސައްކަތެކެވެ.
މީގެ އިތުރުން، އާރްޑީސީން ވަނީ މުލަކު ސިއްހީ މަރުކަޒު އަޕްގްރޭޑް ކުރުމުގެ މަސައްކަތާވެސް މިދިޔަ މަހު ހަވާލުވެފައެވެ. މިއީ އެ ރަށުގެ ވަސީލަތްތައް ތަރައްގީ ކުރުމަށް އާރްޑީސީން ކުރަމުންދާ މަސައްކަތްތަކުގެ ތެރެއިން ބައެކެވެ.
މުލަކު ސްކޫލުގެ ފުޓްސަލް ދަނޑުގެ މަސައްކަތް ނިމުމުން، ސްކޫލުގެ ދަރިވަރުންނަށާއި ރަށުގެ ޒުވާނުންނަށް ކުޅިވަރުގެ ރަނގަޅު ވަސީލަތެއް ގާއިމުވެގެންދާނެ ކަމަށް އުއްމީދު ކުރެވެއެވެ.