މިދިޔަ އަހަރަކީ ފާއިތުވި 3 އަަހަރު ތެރޭގައި އެމްޑަބްލިއުއެސްސީއަށް އެންމެ ބޮޑު ފައިދާއެއް ލިބުނު އަހަރުކަމަށް އޮޑިޓަރ ޖެނެރަލްގެ އޮފީހުން އާންމުކޮށްފައިވާ ތަފާސް ހިސާބުތަކުން ދައްކައިފިއެވެ.
އެގޮތުން، އެމްޑަބްލިއުއެސްސީ އަށް މިދިޔަ އަހަރު 217 މިލިއަން ރުފިޔާގެ ފައިދާއެއް ލިބިފައިވާއިރު، މިދިޔަ އަހަރު އެ ކުންފުންޏަށް ވަނީ 1.6 ބިލިއަން ރުފިޔާގެ އާމްދަނީއެއް ލިބިފައެވެ. އެ ކުންފުނިން އާމްދަނީ އިތުރު ކުރުމަށް ސީދާ ގޮތުން ކުރާ ހަރަދުތައް އެއް ބިލިއަން ރުފިޔާ އިން 935 މިލިއަން ރުފިޔާ އަށް ކުޑަކޮށްފައެވެ.
ަހަމައެއާއެކު، ދަރަނި އަދާކުރުމަށް އެމްޑަބްލިއުއެސްސީން 62 މިލިއަން ރުފިޔާ މިދިޔަ އަހަރު ހޭދަކޮށްފައިވެއެވެ.
އަމާޒަކީ ދެމެހެއްޓެނެވި، އަދި ރައްޔިތުންނަށް ވީހާވެސް ލުއިފަސޭހަ ގޮތެއްގައި ކުންފުނީގެ ހިދުމަތްތައް ރައްޔިތުންނަށް ފޯރުކޮށްދިނުން ކަމުގައި އެމްޑަބްލިއުއެސްސީން ވިދާޅުވެއެވެ.