އައްޑޫސިޓީގައި ކުރިއަށް ގެންދިޔަ ފެތުމުގެ މުބާރާތް ނިންމާ “ފަތަމާ ހިނގާ ޕްރޮގްރާމް” އެމްބަސަޑަރު ނައުފަލް މޫސާ ހިތުން ޝުކުރު ބައިވެރިންނަށް އަރިސްކޮށްފިއެވެ.
އައްޑޫސިޓީ، މަރަދޫގެ ދެ ސްކޫލެއްގެ ދަރިވަރުންނަށް ފަތަން ދަސްކޮށްދޭ ޕްރޮގްރާމެއް ކުރިއަށް ގެންދިއުމަށް އައްޑޫގައި މިހާރު ހުރި ނައުފަލް ވަނީ އޭނާގެ ބައިވެރިނާއެކު ފެތުމުގެ ހަރަކާތުގައި ކުރިއަށް ގެންދެވުނު މުއްދަތުގައި ބައިވެރިންގެ ފަރާތުން ބެހެއްޓި ގާތްކަމަށް ޝުކުރު އަދާކޮށްފައެވެ.
މި ޕްރޮގްރާމް ފެށީ ޖޫން މަހުގެ 24 ގައެވެ. ސްވިމިން އެސޯސިއޭޝަނާއި ސްޕޯޓްސް މިނިސްޓްރީއާއި އައްޑޫ ސިޓީ ޕޮލިސް ގުޅިގެން ކުރިއަށް ގެންދާ “ފަތަމާ ހިނގާ” ޕްރޮގްރާމްގައި ބައިވެރިވެފަވަނީ މަރަދޫ ސްކޫލާއި މަރަދޫ އިރުޝާދިއްޔާ ސްކޫލެވެ. އެ ޕްރޮގްރާމްގައި ފުރަތަމަ ގްރޭޑް 1-6 ގެ ދަރިވަރުންވަނީ ބައިވެރިވެފައެވެ. މި ޕްރޮގްރާމް ފެށީ ޖުމްލަ 300 ކުދިންނާއެކުގައެވެ. ނައުފަލް ބުނީ ކާމިޔާބިޔާބް މި ޕްރޮގްރާމްގައި ފަހުން 1- 10 ދަރިވަރުން ބައިވެރިވެފައިވާ ކަމަށާއި، އަދި އާންމުގެ ތެރެއިން ބައިވެރިވެފައިވާމީހުންނާއެކު ސުކޫލުގެ ޓީޗަރިންގެ އިތުރުން ބެލެނެވެރިނާއި އެކު ޖުމްލަ 60 ބައިވެރިވިއަކު ބައިވެރި ވެފައިވާ ކަމަށެވެ.
ނައުފަލް ބުނީ މުޅި ޕްރޮގްރާމް ގެންދެވުނީ ވަރަށް ފޯރީގައި ކަމަށެވެ. އަދި ބައިވެރިވި ސުކޫލުތަކުން ދިން އެއްބާރުލުމަށްވެސް ވަރަށް ބޮޑަށް ޝުކުރުވެރިވާ ކަމަށެވެ.
މި އަހަރުގެ ކުރީކޮޅުވެސް ނައުފަލް ވަނީ އައްޑޫގެ ސްކޫލުތަކެއްގައި ފަތަން ދަސްކޮށްދޭ ޕްރޮގްރާމްތަކެއް ކުރިއަށް ގެންގޮސްފައެވެ. އެ ޕްރޮގްރާމް އެންމެ ފުރަތަމަ ބޭއްވީ ފޭދޫ ސްކޫލުގެ ދަރިވަރުންނަށެވެ. އެ ޕްރޮގްރާމުގައި 200 އަށް ވުރެ ގިނަ ދަރިވަރުންނަށް ނައުފަލު ވަނީ ފަތަން ދަސްކޮށްދީފައެވެ.
ނައުފަލް އަށް ވަނީ އައްޑޫގެ އެކި ސުކޫލް ތަކުގަ މުޅި ޖުމްލަ 600 ކުދިންނަށް ފަތަން ދަސްކޮށްދެވިފައެވެ.