ސިންގަޕޫރުގައި ކުރިއަށްދާ 22 ވަނަ ވޯލްޑް އެކުއަޓިކްސް ޗެމްޕިއަންޝިޕްގައި ދިވެހި ފެތުންތެރިޔާ މިރާލް ޢައިން ލަތީފް އަންހެނުންގެ ލޯންގކޯސް 200 މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑް އައުކޮށްފިއެވެ.
މިރާލް މި އިވެންޓް ނިންމާފައިވަނީ 2 މިނެޓާއި 44.34 ސިކުންތުންނެވެ. މިއީ މިރާލް މިއަހަރުގެ ކުރީކޮޅު ޔޫކޭގައި ބޭއްވުނު ޑެވަން ކައުންޓީ ޗެމްޕިއަންޝިޕްސްގައި ރާއްޖެއަށް ހޯދައިދިން ރެކޯޑަށްވުރެ ވެސް ރަނގަޅު ނަތީޖާއެކެވެ.
މިރާލް އެންމެ ފަހުން މި އިވެންޓުގެ ޤައުމީ ރެކޯޑް އައުކޮށްފައިވަނީ ޑެވަން ކައުންޓީ ޗެމްޕިއަންޝިޕްސްގައި 2 މިނެޓާއި 45.93 ސިކުންތުން ރޭސް ނިންމައިގެންނެވެ. އެހެންކަމުން މިފަހަރު މިރާލް ވަނީ އޭނާގެ އަމިއްލަ ރެކޯޑު 1.59 ސިކުންތުން ރަނގަޅުކޮށްފައެވެ.
މިރާލްގެ މި ކާމިޔާބީއަކީ ދިވެހި ފެތުމުގެ ކުޅިވަރަށް ލިބިގެންދިޔا ވަރަށް އުފާވެރި ކުރިއެރުމެކެވެ. އަދި ވޯލްޑް އެކުއަޓިކްސް ޗެމްޕިއަންޝިޕްގެ ފަދަ ބޮޑު މުބާރާތެއްގައި މި ރެކޯޑް އައުކުރެވުމަކީ ދިވެހި ފެތުންތެރިންގެ ފެންވަރު ދުނިޔޭގެ ފެންވަރުގައި ރަނގަޅުވަމުން އަންނަކަމުގެ ހެއްކެކެވެ.