ހދ. ނޮޅިވަރަންފަރުގައި ދިރިއުޅޭ ހާއްސަ އެހީއަށް ބޭނުންވާ އަންހެނަކަށް ޖިންސީ ގޯނާކުރި މައްސަލައެއް މޯލްޑިވްސް ޕޮލިސް ސަރވިސްއިން ތަހުގީގުކުރަން ފަށައިފިއެވެ. މި މައްސަލަ ފުލުހުންގެ ސަމާލުކަމަށް ގެނެވިފައިވަނީ މި މަހުގެ 23 ވަނަ ދުވަހުއެވެ.
ފުލުހުން ބުނީ، މި މައްސަލައިގެ ޝިކާރައަކަށްވެފައިވަނީ އުމުރުން 40 އަހަރުގެ އަންހެނެކެވެ. މި ހިތާމަވެރި ހާދިސާއާ ގުޅިގެން މިހާތަނަށް އެއްވެސް ފަރާތެއް ހައްޔަރުކުރެވިފައި ނުވާކަން ފުލުހުން ވަނީ ފާހަކޮށްފަައެވެ.
ހާއްސަ އެހީއަށް ބޭނުންވާ ފަރާތްތަކަށް ކުރިމަތިވާ މިފަދަ އަނިޔާވެރި ޢަމަލުތަކަކީ މުޖުތަމަޢުގެ ކަންބޮޑުވުން އިތުރުވަމުންދާ މައްސަލައެކެވެ. މިފަދަ ހާދިސާތައް ހުއްޓުވުމަށް އިތުރު ފިޔަވަޅުތަކެއް އެޅުމުގެ މުހިންމުކަން ގިނަ ފަރާތްތަކުން ފާހަގަކުރަމުންދެއެވެ.
ފުލުހުން ހާމަކުރި ގޮތުގައި، މި މައްސަލައިގެ ތަހުގީގު ކުރިއަށް ގެންސަނީ ހާއްސަ އިސްކަމެއް ދީގެންނެވެ.