ރަސްފަންނު "ޕޮމެލޯ" ރެސްޓޯރަންޓުގަ އަލިފާން ރޯވުމުން، އެމްއެންޑީއެފުން ނިއްވާލައިފި
މާފަންނު ރަސްފަންނުގައި ހުންނަ ލެމަންގްރާސްގެ “ޕޮމެލޯ” ރެސްޓޯރަންޓުގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފިއެވެ.
މި ހާދިސާގެ މައުލޫމާތު އެމްއެންޑީއެފް ފަޔަރ އެންޑް ރެސްކިޔު ސަރވިސަށް ލިބިފައި ވަނީ މިއަދު 12:14ގައެވެ.
އަދި މައުލޫމާތު ލިބުމާ އެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުން ވަނީ އެ ސަރަހައްދަށް ގޮސް، ރޯވި އަލިފާން ނިއްވާލާފައެވެ. މި ހާދިސާގައި ރޯވި “ޕެމޮލޯ” ރެސްޓޯރެންޓަކީ މިހާރު މަރާމާތުކުރުމުގެ މަސައްކަތްތަކެއް ކުރަމުންދާ ރެސްޓޯރެންޓެކެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.