ގއ ގެމަނަފުށީގައި ކުރިއަށްދާ ކައުންސިލް ވޮލީ މުބާރާތުގެ ފައިނަލް މެޗު ފަސޭހަކޮށް ނުނަގާނެ ކަމަށާއި ކުޅުންތެރިންނަށް އިތުބާރު އެބައޮތްކަމަށް ފޭސް ފިޔޯރީ ކޯޗު މުހައްމަދު ޝަރަފް ބުނެފިއެވެ.
ފައިނަލް މެޗުގައި ވާދަކުރާނީ ފޭސް ފިޔޯރީ އަދި ގއ ނިލަންދޫ ކައުންސިލް ޓީމެވެ.
މި މެޗަށް ނިކުތުމުގެ ކުރިން ކޯޗު ޝަރަފް ހުވަދޫއަށް ވިދާޅުވީ، ގްރޫޕް ސްޓޭޖް މެޗުން މޮޅުވެފައި އޮތުން އެއީ ފައިނަލް މެޗަށް ވިސްނަންޖެހޭ ކަމެއް ނޫންކަމަށެވެ. ފައިނަލް މެޗަކީ މުޅިން ތަފާތު މެޗެއް ކަމަށާއި، ގްރޫޕް ސްޓޭޖް މެޗަކީ މުޅިން ތަފާތު މެޗެއްކަމަށެޗެ. އަދި ގްރޫޕް ސްޓޭޖުގައި 2 ޓީމް ވާދަކުރިއިރުވެސް 2 ޓީމަށް ސެމީގެ ޖާގަ ކަށަވަރު ވެފައި އޮތުން އެއީ އެ މެޗު ފަސޭހަކޮށް ނެގިދާނެކަމެއް ކަމަށެވެ. އެހެންނަމަވެސް ފައިނަލް މެޗުގައި އެތަފާތު ފެންނާނެ ކަމަށާއި ނިލަންދޫ ޓީމަކީވެސް މޮޅު ޓީމެއް ކަމަށެވެ. އަދި ފޭސް ފިޔޯރީގެ ކުޅުންތެރިންނަށް ފުރިހަމައަށް އިތުބާރު އޮތް ކަމަށާޢި މުޅި މެނޭޖްމަންޓަށް ވެސް އިތުބާރު އޮތް ކަމަށެވެ.
މީގެ އިތުރުން މެޗަށް ނިކުންނާނީ މޫސުމަށް ވަރަށް ބޮޑަށް ވިސްނައިގެން ކަމެށެވެ. 2 ޓީމަށްވެސް އުނދަގޫ ވާނެ ކަމަށާއި އެހެންނަމަވެސް ފިޔޯރީން ނިކުންނާނީ މޫސުމަށް ވަރަށް ބޮޑަށް ތައްޔާރުވެގެން ކަމަށް ތަޖުރިބާ ކާރު ކޯޗު ޝަރަފް ބުންޏެވެ. ފައިނަލް މެޗަށް ނިކުންނައިރު ޓީމުގެ ރޫހު އޮތީ ވަރަށް ރަނގަޅަށް ކަމަށާއި ކުޅުންތެރިޔަކު މަދަސް ރިޕްލޭސް ކުރެވޭނެ ކަމަށް ޝަރަފް ބުންޏެވެ.
ރާއްޖޭގެ ވޮލީގެ ތަރިންނާއިއެކު މިއަދުގެ ފައިނަލް މެޗު އޮންނަ އިރު މި ދެޓީމަކީ މުބާރާތުގެ އެންމެ ވަރުގަދަ ކަމަށް ފެނުނު 2 ޓީމެވެ. މީގެ އިތުރުން ގެމަނަފުށީ ވޮލީ ކުލަބުގެ މައްޗަށް ނިލަންދޫއިން ކުރި ހޯދުން ވެގެން ދިޔައީ ޓީމުގެ ވަރުގަދަކަން އިތުރަށް ފާހަގަވިކަމެކެވެ. ގެމަނަފުށީ ވޮލީ ކުލަބަކީ ހޯމް ޓީމަށް ވުމާއި، އެޓީމްގެ ވަރުގަދަ ކުޅުން ގްރޫޕް ސްޓޭޖުގައި ފެނިގެން ދިޔުންމީ ގިނަ ބަޔަކަށް ބަޔަކަށް ގަބޫލު ކުރެވުނު ގޮތުގައި މުބާރާތުގެ ފައިނަލްގައި ކުޅޭނެ ޓީމަށް އެޓީމްވުން ކަމަށެވެ.
އެހެންނަމަވެސް ސެމީ ފައިނަލްގައި އެޓީމްގެ މައްޗަށް ނިލަންދޫއިން ކުރި ހޯދައި ފައިނަލްގައި ވާދަކުރުން ގިނަ ބަޔަކަށް ހައިރާންކަން ގެނުވިއެވެ. ނިލަންދޫ ޓީމްގެ ޝާމިލްއަކީ ރާއްޖޭގެ މިހާރު ހުރި އެންމެ މޮޅު އެއް ކުޅުންތެރިޔާއެވެ. ޕޮލިސް ޓީމްގެ މުހިންމު ސްޕައިކަރެވެ. އަދި ގއ ގެ އެންމެ މޮޅުކުޅުންތެރިން އެއްރަށަކުން ނަގާނަމަ ނިލަންދޫއަކީ އެއްވަނައެވެ. އަތޮޅު މުބާރާތްތައް ގިނަފަހަރަށް ނަގައި ކޮންމެ އަހަރަކު ވަރުގަދަ ރާވެރިޔާ މުބާރާތް ބާއްވާ ރަށެވެ.
އަނެއްކޮޅުން ފައިނަލްގައި ވާދަ ކުރާ ފޭސް ފިޔޯރީއަކީ ވޮލީ ކާމިޔާބު ތާރީހެއް އޮތް ރަށެއް، އަދި ޓީމެކެވެ. އަތޮޅު މުބާރާތްތަކުން ފެށިގެން ކާމިޔާބު ހޯދި ޓީމެކެވެ. އެންމެ ފަހުން ބޭއްވުނު ގދ އަތޮޅު ކައުންސިލް މުބާރާތުގެ ޗެމްޕިއަންކަން ހޯދީ މިއަދުގެ ފައިނަލްގައި ވާދަކުރާ ފޭސް ފިޔޯރީއެވެ. ރާއްޖޭގެ މިވަގުތު އެންމެ މޮޅު ކުޅުންތެރިންގެ ތެރޭގައި ހިމެނޭ އަލީ ހުޒާމް، މުހައްމަދު ރިމާޒް، އަބްދުالله މިހާދު އަކީ އެޓީމްގެ ކީ ޕްލޭޔަރުންނެވެ. މިޓީމްގެ ކޯޗަކީ މަޝްހޫރު ޝަރަފް އެވެ.
ފައިނަލަށް ފޭސް ފިޔޯރީ ދަތުރުކުރީ ކުޅުނު ހުރިހާ މެޗެއް ކާމިޔާބު ކޮށްގެންނެވެ. މީގެ ތެރޭގައި ނިލަންދޫ މެޗުވެސް ހިމެނެއެވެ.
މި މުބާރާތަކީ ގއ އަތޮޅުގައި ކުރިއަށް ދާ ފޯރި ގަދަ މުބާރާތެކެވެ. ފުވައްމުލަކު ސިޓީ ހިމެނޭހެން 11 ޓީމް ވާދަކޮށްފައި ވާއިރު މޮޅު ކުޅުން ފެނިގެން ދިޔަ މުބާރާތެކެވެ.
މުބާރާތުގައި ބައިވެރިވެފައިވާ ފިރިހެން ޓީމްތަކަކީ ގެމަނަފުށި ވޮލީ ކުލަބު، ވެލާ، ފޭސް ފިޔޯރީ ވޮލީޓީމް، ކާމިޔާބު ވޮލީޓީމް، ހުޓިކޮޑާ، އަދި ނިލަންދޫ ވޮލީޓީމެވެ. އަދި އަންހެން ޓީމްތަކަކީ ސީ ކުއީންސް، ގެމަނަފުށީ ވޮލީ ކުލަބު، ކަނޑުހުޅުދޫ ވޮލީޓީމް، އިގްނައިޓް ޖޫނިއާސް، ހުޓިކޮޑާ ކަނބަލުންނެވެ.
މުބާރާތުގެ ޗެމްޕިއަން ޓީމްއަށް 50000 ރުފިޔާގެ ފައިސާގެ އިނާމެއް ދިނުމަށް ނިންމާފައިވާއިރު ރަނަރަޕް ޓީމަށް 25000 ރުފިޔާގެ ފައިސާގެ އިނާމެއް ވަނީ ހުށައަޅާފައެވެ.
މި މުބާރާތުގެ މެއިން ސްޕޮންސަރަކީ ގެމަނަފުށީ ކައުންސިލެވެ. އޮންލައިން މީޑިއާ ޕާޓްނަރަކީ ހުވަދޫ މީޑިއާއެވެ.