ގެމަނަފުށީ ކައުންސިލުން އިންތިޒާމް ކޮށްގެން ބާއްވާ ވޮލީ މުބާރާތުގެ ޗެމްޕިއަންކަން
މެޗުގެ ފުރަތަމަ ސެޓުގައި ފޭސް ފިޔޯރީގެ ފަރާތުން މޮޅު ކުޅުމެއް ފެނިގެން ގޮސްފައިވާއިރު އެޓީމްގެ ޖާޒީ ނަންބަރު 5 އަބުޅޯ ބާރު ހަމަލާތަކެއް ވަނީ ފެނިގެން ގޮސްފައެވެ. މި ސެޓު 25،18 އިން ކާމިޔާބު ކުރީ ފޭސް ފިޔޯރީއެވެ.
މެޗުގެ ދެވަނަ ސެޓުގައި ދެޓީމްގެ ފަރާތުން ވަރަށް ފޯރިގަދަ އަދި ވާދަވެރިކުޅުމެއް ވަނީ ފެނިގެން ގޮސްފައެވެ. މި ސެޓުގައި ދެޓީމް ވެސް ޕޮއިންޓްތައް ހޯދަމުންދިޔައީ ވަރަށް ގާތްގާތުގައެވެ. މިސެޓުގައި ޝާމިލްގެ މޮޅު ކުޅުންވަނީ ފާހަގަ ކުރެވިފައެވެ. މި ސެޓު 25،22 އިން ނިލަންދޫ އިންވަނީ ކާމިޔާބު ކޮށްފައެވެ.
މެޗުގެ ތިންވަނަ ސެޓު ފަށައިގެން ފޭސް ފިޔޯރީއަށް މައްސަލަތަކެއް ދިމާވެ 4 ޕޮއިންޓްގެ ލީޑެއް ނިލަންދޫއިން ނެގިއެވެ. އެހެންނަމަވެސް އަލީ ހުޒާމް، ރިމޭގެ ރަނގަޅު ނިންމުންތަކާއިއެކު 4 ޕޮއިންޓްގެ ލީޑެއް ފޭސް ފިޔޯރީން ވަނީ ނަގާފައެވެ. މި ސެޓު 8 ޕޮއިންޓްގެ ލީޑަކާއިއެކު 25،17 އިން ވަނީ ކާމިޔާބުކޮށްފައެވެ.
ދެރަށުގެ ގިނައަދަދެއްގެ ސަޕޯޓަރުންގެ ކުރިމަތީގައި ކުޅުނު މެޗުގެ 4 ވަނަ ސެޓުގައި ދެ ޓީމްގެ ފަރާތުން ފެނުނީ ހަމަހަމަ ކުޅުމެކެވެ. މިސެޓުވެސް ލީޑުގައި ކުޅެމުންދިޔައީ ފޭސް ފިޔޯރީއެވެ. ސެޓުގައި ތަފާތަކަށްވި އަބުޅޯގެ މޮޅު ކުޅުމާއިއެކު 25،13 އިން ސެޓު ނަގައި މުބާރާތުގެ ޗެމްޕިއަންކަން ވަނީ ހޯދާފައެވެ.
މުބާރާތުގައި ބައިވެރިވެފައިވާ ފިރިހެން ޓީމްތަކަކީ ގެމަނަފުށި ވޮލީ ކުލަބު، ވެލާ، ފޭސް ފިޔޯރީ ވޮލީޓީމް، ކާމިޔާބު ވޮލީޓީމް، ހުޓިކޮޑާ، އަދި ނިލަންދޫ ވޮލީޓީމެވެ. އަދި އަންހެން ޓީމްތަކަކީ ސީ ކުއީންސް، ގެމަނަފުށީ ވޮލީ ކުލަބު، ކަނޑުހުޅުދޫ ވޮލީޓީމް، އިގްނައިޓް ޖޫނިއާސް، ހުޓިކޮޑާ ކަނބަލުންނެވެ.
މުބާރާތުގެ ޗެމްޕިއަން ޓީމްއަށް 50000 ރުފިޔާގެ ފައިސާގެ އިނާމެއް ދިނުމަށް ނިންމާފައިވާއިރު ރަނަރަޕް ޓީމަށް 25000 ރުފިޔާގެ ފައިސާގެ އިނާމެއް ވަނީ ހުށައަޅާފައެވެ.
މި މުބާރާތުގެ މެއިން ސްޕޮންސަރަކީ ގެމަނަފުށީ ކައުންސިލެވެ. އޮންލައިން މީޑިއާ ޕާޓްނަރަކީ ހުވަދޫ މީޑިއާއެވެ.