ތަރައްގީގެ ހަލުވި ދުވެލީގައި ކުރިއަރަމުންދާ އަޅުގަނޑުމެންގެ ދިވެހިގައުމުގައިވެސް މިއަދު ހަރަދު ބޮޑުވެފައިވަނީ އިންތިހާއަށެވެ. އާއިލާތައް ބަލަހައްޓައި ހިންގުމަށްއަޅުގަނޑުމެންގެ ތެރެއިން ގިނަ ބަޔަކީ ދުވާލު ވަރަށް ބުރަކޮށް މަސައްކަތް ކުރާ ބައެކެވެ. މިކަމުގެ ސަބަބުން ގިނަ ބަޔަކު ދެމަފިރިން ވަޒީފާއަށް ނުކުމެ، ބައެއް މީހުން ދެތިން ވަޒީފާވެސް އަދާކުރާތަން ފެނެއެވެ. ބުރަކޮށް މަސައްކަތް ކުރުމަކީ ސްޓްރެސް ބޮޑުވެ، ހަށިގަނޑުގެ ދުޅަހެޔޮކަމަށް ނޭދެވޭ އަސަރުތަކެއް ކުރާ ކަމެކެވެ. ހާސްވުމާއިކަންބޮޑުވެ ފިކުރުބޮޑުވެއްޖެ ނަމަ ހަށިގަނޑަށް ކުރިމަތިވާ ބައެއް މައްސަލަތަކުގެ ތެރޭގައި ރޯގާ ޖެހުމާއި ހުންއައުން ފަދަ އާންމު ކުދި ބަލިތައް ހިމެނެ އެވެ.
ދިފާއީ ނިޒާމު ވަރުގަދަކުރުމުގެ މުހިންމުކަން؛ ހަށިގަނޑުގެ ދިފާއީ ނިޒާމު ބަލިކަށިވުމުގެ ސަބަބުން އާންމު ރޯގާތަކާއި، ހުން އައުން، ކަރުދުޅަވުން އަދި އަރިދަފުސް ރޯގާ ފަދަ ބަލިތަކަށް މަގުފަހިވެއެވެ. ނަމަވެސް، ގެވެށި ފަރުވާއެއްގެ ގޮތުގައި ޓިއުމެރިކް ޝޮޓްސް ބޭނުންކުރުމަކީ މިފަދަ ބަލިތަކުން ރައްކާތެރިވުމަށް އެޅޭ ފިޔަވަޅެކެވެ.
ޓިއުމެރިކް ޝޮޓްސްގެ މުހިންމު ބާވަތްތައް؛ މި ބުއިމުގައި ހިމެނޭ މައިގަނޑު ބާވަތްތަކަކީ:
- އޮރެންޖް އަދި ލުނބޯ: ވިޓަމިން ސީގެ މުއްސަނދި މަސްދަރެއް؛ އޮރެންޖާއި ލުނބޯގައި ހިމެނޭ ވިޓަމިން ސީއަކީ ހަށިގަނޑުގެ ދިފާއީ ނިޒާމު ވަރުގަދަކޮށްދޭ އެންޓިއޮކްސިޑެންޓެކެވެ.
- އިނގުރު: މޭނުބައިވުން ފިލުވައިދީ ބަނޑަށް ލުއިކޮށްދިނުމުގެ އިތުރުން، ހަޖަމު ކުރުމަށާއި ވައިގެ އުނދަލުން ސަލާމަތްވުމަށް އެހީތެރިވެދޭ
- ފޮނިތޮށީގައި ހިމެނޭ އެންޓި-އިންފްލެމެޓަރީ މާއްދާތަކުން ގައިގެ ރިއްސުމާއި ދުޅަވުން ކުޑަކުކޮށްދޭ
- މާމުއި: ހަށިގަނޑުގެ ދިފާއީ ނިޒާމު ވަރުގަދަކޮށްދޭ
އިނގުރާއި ރީނދުލުގައި ހިމެނޭ އެންޓިމައިކްރޯބިއަލް މާއްދާތަކަކީ އިންފެކްޝަންތަކާ ދެކޮޅަށް ހަނގުރާމަކުރުމަށް އެހީތެރިވެދޭ އެއްޗެކެވެ. މި ހުރިހާ ބާވަތްތައް އެއްކޮށްލުމުން ފްރީ ރެޑިކަލްސް ނިއުޓްރަލައިޒްކޮށް، ސެލްތައް ރައްކާތެރިކޮށްދެއެވެ. އަދި ދިރާސާތަކުން ދައްކާގޮތުގައި ރީނދުލާއި އިނގުރަކީ މެޓަބޮލިޒަމް އިތުރުކޮށްދީ ބަރުދަން ލުއިކުރުމަށް އެހީތެރިވެދޭ އެއްޗެކެވެ. އިނގުރާއި ރީނދުލުގެ ސަބަބުން ލޭގެ ޕްރެޝަރު ދަށްވެ، ލޭ ދައުރުވުން ރަނގަޅުވެ، ހިތުގެ ސިއްޙަތު ރަނގަޅުވެއެވެ. މީގެއިތުރުން މި ދެ މާއްދާއަކީ ސިކުނޑީގެ ސިއްޙަތާއި ކޮގްނިޓިވް ފަންކްޝަން ރަނގަޅުކުރުމަށް އެހީތެރިވެދޭ އެއްޗެއްކަމަށް ބެލެވެއެވެ.
ގެވެށި ފަރުވާއެއްގެ ގޮތުގައި ޓިއުމެރިކް ޝޮޓްސް ބޭނުންކުރުމަކީބަލިތަކުން ރައްކާތެރިވުމަށް އެޅޭ ފިޔަވަޅެކެވެ.—ފޮޓޯ:ނޯރިޝްޑް ބައި ނިކް
ޞިއްޙީ ފައިދާތައް؛ ޓިއުމެރިކް ޝޮޓްސްގެ ސަބަބުން ލިބޭ މައިގަނޑު ފައިދާތަކުގެ ތެރޭގައި:
- ހަށިގަނޑުގެ ދިފާއީ ނިޒާމު ވަރުގަދަވުން
- މެޓަބޮލިޒަމް އިތުރުވެ ބަރުދަން ބެލެހެއްޓުމަށް އެހީތެރިވުން
- ލޭގެ ޕްރެޝަރު ދަށްކޮށް ހިތުގެ ސިއްޙަތު ރަނގަޅުކުރުން
- ހަޖަމުކުރުމުގެ ނިޒާމު ރަނގަޅުކުރުން
- ކަރުދުޅަވުމާއި އަރިދަފުސް ރޯގާއިން ރައްކާތެރިކުރުން
ތައްޔާރުކުރާނެ ގޮތް
ބޭނުންވާ ތަކެތި:
- 1 އޮރެންޖް
- 1 ލުނބޯ
- ބައި އިންޗި އިނގުރު
- 1 ސަމުސާ ފޮނިތޮށި (ގާނާފައި)
- 1 ސަމުސާ އަސޭމިރުސް (ހިމުންކޮށް)
- 2 މޭޒުމަތީ ސަމުސާ މާމުއި
- ބައި އިންޗި ރީނދޫ (ގާނާފައި)
މިކްސްޗަރަށް ހުރިހާއެއްޗެއް އެޅުމަށްފަހު ރަނގަޅަށް އެއްކޮށްލާށެވެ. އަދި އައިސްކިއުބް ޓްރޭއަކަށް އެޅުމަށްފަހު އައިސްއަލަމާރީގެ ގަނޑުކުރާ ބަޔަށް ލާށެވެ. މިއީ ކޮންމެ ދުވަހެއްގެ ފެށުމަށް ހަމައެންމެ ފައިދާހުރި އަދި ރަނގަޅު ބުއިމަކަށް ވާނެކަން ޔަގީނެވެ. ހޫނުފެންތަށްޓަކަށް ކިއުބެއް އަޅައިގެން ގިރާލުމުން އެހެރީ ސައި ތައްޔާރުކުރެވިފައެވެ. ފިނިފެނަށްވެސް ގިރާލައިގެން ހޫނުމެންދުރެއްގެ ބުއިމަކަށް ބޭނުން ކުރެވިދާނެއެވެ. ވަރުބަލިކަން ފިލުވައިލާ މެއަށް ފިނިކޮށް އަރާމު ލިބިދިނުމުގެ އިތުރުންވެސް އެތައް ފައިދާތަކެއް ސިއްހީގޮތުންނާއި ނަފްސަށްވެސް ލިބިދޭނެއެވެ. މިއީ ސިއްހީމާހިރުންނާއި ދިރާސާކުރާ ފަރާތްތައް ޔަގީންކަމާއެކު ބުނާ ވާހަކައެކެވެ.
ގެވެށި ފަރުވާއެއްގެ ގޮތުގައި ޓިއުމެރިކް ޝޮޓްސް ބޭނުންކުރުމަކީބަލިތަކުން ރައްކާތެރިވުމަށް އެޅޭ ފިޔަވަޅެކެވެ.—ފޮޓޯ:ނޯރިޝްޑް ބައި ނިކް
ބޭނުންކުރާނެ ގޮތް؛ މި ބުއިން އެންމެ ފައިދާހުރި ގޮތުގައި ބޭނުން ކުރެވޭނީ:
- ހެނދުނުގެ ފުރަތަމަ ބުއިމެއްގެ ގޮތުގައި
- ހޫނު ސައެއްގެ ގޮތުގައި
- ފިނި ބުއިމެއްގެ ގޮތުގައި ސްޕާކްލިން ފެނާއެކު
- ސްމޫތީއެއްގެ ގޮތުގައި ކިރާއެކު
މި ވީޑިއޯއިން ކެލްސިއަމް، ޝޮޓްސް ތައްޔާރުކުރައްވާނެގޮތް
ޓިއުމެރިކް ޝޮޓްސްއަކީ ގެވެށި ފަރުވާއެއްގެ ގޮތުގައި ބޭނުންކުރެވޭ، ހަށިގަނޑުގެ ދުޅަހެޔޮކަން އިތުރުކޮށްދޭ، ޚަރަދު ކުޑަ އަދި ފަސޭހައިން ތައްޔާރުކުރެވޭ ބުއިމެކެވެ. ޚާއްޞަކޮށް މޫސުން ބަދަލުވާ ދުވަސްވަރާއި، ބުރަކޮށް މަސައްކަތްކުރާ ދުވަސްތަކުގައި މި ބުއިން ބޭނުންކުރުމުން ހަށިގަނޑުގެ ދިފާއީ ނިޒާމު ވަރުގަދަވެ، އާންމު ބަލިތަކުން ރައްކާތެރިވެވޭނެއެވެ.