އއ. މާޅޮހުގައި ރަހުމުކުޑަގޮތަކަށް މަރާލާފައި އޮއްވައި ފެނުނު އެ ރަށު އޯކިޑުމާގޭ، އުމުރުން 65 އަހަރުގެ އަބްދުއްރަހްމާން އާދަމްގެ މަރުގެ މައްސަލައިގެ އެރަށުގެ ގެތަކެއް ބަލާ ފާސްކޮށް، ބައެއް މީހުންގެ ފޯނާއި އަންނައުނު ފުލުހުންގެ ބެލުމުގެ ދަށަށް ގެންގޮސްފިއެވެ.
މި މައްސަލައިގައި ފުލުހުން ބަލައި ފާސްކުރީ އެރަށު ތިން މީހެއްގެ ގެއެވެ. މި ތިން މީހުންގެ ފޯނުތައް ހިފެހެއްޓުމުގެ އިތުރުން އެކެއްގެ އަންނައުނު ވެސް ފުލުހުންގެ ބެލުމުގެ ދަށަށް ގެންގޮސްފައިވެއެވެ. ނަމަވެސް މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ.
އަބްދުއްރަހްމާން މަރުވީ އޭނާ ނިދާފައި އޮއްވާ ބޮޑެތި ޒަހަމްތަކެއް ދިނުމުގެ ސަބަބުން ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށް މިދިޔަ މަހުގެ 13 ވަނަ ދުވަހުއެވެ.
އޮޓޮޕްސީ ރިޕޯޓާ ގުލޭ ގޮތުން މައުލޫމާތު ހިއްސާ ކުރަމުން ފުލުހުން ބުނީ، އަބްދުއްރަހްމާން އާދަމް މަރުވެފައި ވަނީ ބޮލަށް ލިބުނު އަނިޔާގެ ސަބަބުން ކަމަށް އޮޓޮޕްސީގެ ވަގުތީ ރިޕޯޓުން ދައްކާ ކަމަށެވެ.