11 އަހަރުގެ ދޮންދަރިފުޅަށް ޖިންސީ ގޯނާކޮށް، ބަލިވެ ބޭންދި މައްސަލައާއި ކުއްޖާ ވިހެއުމުން ހުރިހާ ކަމެއް ސިއްރުކޮށްގެން ކަމާބެހޭ ފަރާތްތަކަށް ދޮގު ހަދައި ހަގީގަތް އޮޅުވައި ކުއްޖާ ބަދުނާމު ކުރި މައްސަލައާއި މިހެން ގޮސް އެތައް ދައުވާއަކަށް އެ ކުއްޖާގެ މަންމައާއި ދޮންބައްޕަ ހައްޔަރުކޮށްފިއެވެ.
އެމެރިކާގެ އޯކްލަހޯމާގައި ދިރިއުޅޭ 33 އަހަރުގެ ޑަސްޓިން ވޯކަރ އާއި ޝެރީ ވޯކަރ ހައްޔަރުކުރީ މިދިޔަ ހަފްތާގައެވެ. 11 އަަހަރުގެ އަންހެން ކުއްޖާ ވިހެއީ މި ނިމުނު އޯގަސްޓް 16 ވަނަ ދުވަހު ގޭގައެވެ.
މިމައްސަލަ ކަމާބެހޭ ފަރާތްތަކަށް އެންގީ އެގޭ ކައިރީ ދިރިއުޅޭ އަވަށްޓެރިއެކެވެ. އެމީހާ ކިޔައިދިން ގޮތުގައި ޑަަސްޓިނާއި ޝެރީގެ ޖުމުލަ 5 ކުދިން ތިބިއިރު 11 އަހަރުގެ އެންމެ ދޮށީ ދަރިފުޅަކީ ޑަސްޓިންގެ ދޮންދަރިއެކެވެ. ޑަސްޓިންއާއި ޝެރީ ދިރިއުޅެނީ ގޭގެ ރީތިކޮށް ހުރި ކޮޓަރީގައެވެ. ކުދިން ތިބީ ގޭގެ އަނެއްބައިގައި ބުޅާތަކާއި ކުއްތާތަކާއި އެތަކެތީގެ ނަޖިހާއި ކުނިތަކުގެ ތެރޭގައެވެ. އަވަށްޓެރި އަންހެންމީހާ ބުނި ގޮތުގައި އޭނާ ކިތަންމެ ފަހަރަކު ކަމާބެހޭ ފަރާތްތަކަށް އެންގިއެވެ. އެކުދިން އެނަޖިހުގެ ތެރޭގައި އުޅޭއިރު ބުޅަލަށް ކާންދޭ ފަދައިން ކުދިންނަށް ކާތަކެތި ކޮތަޅަކަށް ލާފައި އެކުދިންނާ ދިމާއަށް އެއްްލައިލާ މަންޒަރާއި ރޭގަނޑު ދޮށީ މަންޖެ ގޮވައިގެން އެމީހުން އުޅޭ ބަޔަށް ޝެރީ ދާ ތަނާއި އަދި ކޮޓަރިއަށް ދަރިފުޅު ވެއްދުމަށްފަހު ޝެރީ ވޯކާރ ބޭރަށް ނުކުމެ އިންނަ މަންޒަރު ފަަަދަ ކަންތައްތައް ފެންނަން ފެށުމުން އެތައް ފަހަރަކު ކަމާ ބެހޭ ފަރާތްތަކަށް އެންގި ކަމަށެވެ. އަމުދުން އޭގެ 2 ހަފުތާ ކުދިން އެގޭތެރެއިން ތުއްތު ކުއްޖަކު ރޯ އަޑު އިވެން ފެށުމުން ދެން ވަރަށް ބޮޑަށް ކަންތައްތައް ގޯސްވެއްޖެ ކަން އިހުސާސްވީ ކަމަށާއި އެހެންކަމުން ކުޑަކުދިންގެ ހައްގުތަކާއި އިންސާނީ ހައްގުތަކާ ބެހޭ އިދާރާއަށް މެއިލް ކުރީ ކަމަށެވެ.
ީ(ވީޑިއޯ؛ އެމްބީސީ ނިއުސް)
ތަހުގީގުގައި އަދި މީޑިއާ ކުރިމަތީހައިވެސް ޝެރީ ބުނީ ވަރަށް ލަދުހުތުރު ވާހަކައެކެވެ.
"އަހަރެން އެހިން ބަނޑުބޮޑުކަން އެނގުނީމަ، ދަރިފުޅު ބުނީ އޭނާގެ 12 އަަހަރުގެ ބޯއިފްރެންޑްގެ ކުއްޖެއް ކަމަށް،"
12 އަހަރޭ، ޕޮލިހުންނަށްވެސް ލިބުނީ ސިހުމެކެވެ. "އާނ، 12 އަހަރު، ޔޫ ނޯވ، ޓީންއޭޖް އިޒް ލައިކްދެޓް، ދެއި ވާރ ކިއުރިއަސް، އެހެންވެ، ގޮތް ބަލައިލީ.." މަންމައެއްގެ ދުލުން އެހާ ހުތުރުވާހަކައެއް ތިމާގެ ކުޑަ އަންހެންދަރިފުޅާ ބެހޭ ގޮތުން.. އެހާ ދުލަށް ފަސޭހަކޮށް އެފަދަ ވާހަކަތައް ދައްކަނީ ކިހިނެއްބާވައެވެ. އެހެންނަމަވެސް ޑީއެންއޭ ޓެސްޓަށްފަހު ކަމުގެ ޙަގީގަތް އޮތީ ސާފުކޮށް ފެންނާށެވެ.
ޑީއެންއޭ ޓެސްޓުން ދައްކާގޮތުން ވިހޭ ކުއްޖާގެ ބައްޕައަކީ 99.9 ޕަސެންޓް ޔަގީނުކަމާއެކު ޑަސްޓިން ވޯކަރ ކަމަށް ވަނީ ސާބިތުވެފައެވެ.
މަސްކޯގީ ކައުންޓީގެ އެސިސްޓެންޓް ޑިސްޓްރިކްޓް އެޓާނީ ޖެނެޓް ހަޓްސަން ވިދާޅުވީ މިއީ އޭނާގެ ހަޔާތުގައި ފެނުނު އެންމެ ނުރައްކާތެރި، ކުޑަކުދިންނަށް ކުރާ ޖިންސީ ގޯނާގެ މައްސަލަތަކުގެ ތެރެއިން އެއް މައްސަލަ ކަމަށެވެ.
އެދެމަފިރިންގެ މައްޗަށް ވަނީ ހަ ކުއްޖަކަށް އިހުމާލުވި ކަމުގެ ދައުވާވެސް އުފުލާފައެވެ. އޭގެ ތެރޭގައި 11 އަހަރުގެ ކުއްޖާ ވިހެއުމުގައި އެކަށީގެންވާ ސިއްހީ ފަރުވާ ނުދިނުމާއި، އެ ދެމަފިރިންގެ އަމިއްލަ ފަސް ދަރިންނަށް (2، 4، 6، 7 އަދި 9 އަހަރު) އިހުމާލުވި މައްސަލަ ހިމެނެއެވެ. ކޯޓު ލިޔެކިޔުންތަކުން ދައްކާގޮތުން މި ކުދިން ދިރިއުޅެމުން އައީ "ނިކަމެތި އަދި ހާލުގައި، ނަޖިހުގެ ތެރޭ، ހައިހޫނުކަމާއެކު" ކަމަށް ވެއެވެ.
މި މައްސަލައިގައި ދެމަފިރިންގެ ކޮންމެ މީހެއްގެ ބޮންޑު ވަނީ 100،000 ޑޮލަރުގައި ކަނޑައަޅާފައެވެ. އަދި ދެމަފިރިންގެ މައްޗަށް އުފުލާފައިވާ ހުރިހާ ދައުވާއަކަށް އުމުރު ދުވަހުގެ ޖަލު ހުކުމެއް ކުރުމުގެ ފުރުސަތު އޮތް ކަމަށް ޕްރޮސިކިއުޓަރުން ބުނެފައިވެއެވެ. މި މައްސަލައިގެ ދެން އޮންނަ ޝަރީއަތުގެ އަޑުއެހުން އޮންނާނީ ސެޕްޓެމްބަރު 3 ވަނަ ދުވަހުއެވެ.