މިދިޔަ އަހަރުތަކުގެ ސެޕްޓެމްބަރު މަހާ އަޅައި ބަލާއިރު މިއަހަރު ސެޕްޓެމްބަރ މަހު ރާއްޖެއަށް ވާރޭ ވެހޭނެ މިންވަރު މަދުވާނެ ކަމަށް "މޫސުމާ ބެހޭ ޤައުމީ އިދާރާ" މެޓު އޮފީހުން ހާމަކޮށްފިއެވެ.
މެޓް އޮފީހުން ބުނީ މި ދުވަސްވަރު އުތުރާއި މެދުރާއްޖެތެރޭގެ ބައެއް ހިސާބުތަކުގައި ފިނިހޫނުމިން އެންމެ މަތިވެގެންދާ ވަރު ހުންނާނީ އާންމު ގޮތެއްގައި މިދުވަސްވަރު ހުންނަވަރަށެވެ. ނަމަވެސް އެހެންހިސާބުތަކުގައި މިދުވަސްވަރު ހުންނަވަރަށްވުރެ މަތިވާނެކަމަށް ބެލެވޭކަމަށް މެޓް އޮފީހުން ބުނެއެވެ.
މެޓް އޮފީހުން ވަނީ މި މަހު ރާއްޖެއަށް ވާރޭ ވެހޭނެ މިންވަރާއި ފިނިހޫނުމިން ހުންނާނެ ކަމަށް ލަފާކުރެވޭ މިންވަރު ދައްކުވައިދޭ ދެ މެޕެއް އާންމުކޮށްފައެވެ.
މެޕްގައި ޕާޕަލް ޝޭޑްތަކުން ދައްކުވައިދެނީ އާދައިގެ ހާލަތަށްވުރެ މަތީ މިންވަރެވެ. އަދި ފެހި ކުލައިގެ ޝޭޑްތަކުން އާދައިގެ ހާލަތްތައް ދައްކުވައިދޭއިރު، އޮރެންޖް ޝޭޑްތަކުން ދައްކުވައިދެނީ އާދައިގެ ހާލަތަށްވުރެ ދަށް މިންވަރެވެ.