16 ވަނަ ނެޝަނަލް ޖޫނިއަރ އެތްލެޓިކްސް ޗެމްޕިއަންޝިޕްގެ 20 އަހަރުން ދަށުގެ ފިރިހެން ކުދިންގެ 200 މީޓަރު ދުވުމުން ތިނަދޫ ޒުވާނުންގެ ކުލަބުގެ އަހްނަފް ރައްޔާން ފަހުމީ އެއްވަނަ ހޯދައި އަނެއްކާވެސް އެތުލެޓިކްސްގައި އައުރެކޯޑެއް ގާއިމު ކޮށްފިއެވެ.
ރައްޔާން މި އިވެންޓް ފުރިހަމަކުރީ 23.08 ސިކުންތުންނެވެ. މިއީ އޭނާގެ އަމިއްލަ ފެންވަރުގައި ވަރަށް ރަނގަޅު ވަގުތެއް ކަމަށް ކޯޗުން ފާހަގަކުރެއެވެ.
ރައްޔާންއަކީ ރާއްޖޭގެ ޒުވާން އެތްލީޓުންގެ ތެރެއިން ފާހަގަކޮށްލެވޭ އެތްލީޓެއްގެ ގޮތުގައި ކުރިއަރަމުން އަންނަ ކުޅުންތެރިއެކެވެ. އޭނާ ވަނީ މީގެ ކުރިންވެސް އެކި މުބާރާތްތަކުން ފާހަގަކޮށްލެވޭ ނަތީޖާތަކެއް ހޯދާފައެވެ.
ރައްޔާން ވަނީ 17 އަހަރުން ދަށުގެ 100 މީޓަރުގެ މީޓް ރެކޯޑް އައުކޮށްފައެވެ. 11.21 ސިކުންތުން ރޭސް ނިންމައި، 2008 ވަނަ އަހަރު އަޒްނީމް އަހުމަދު ހެދި 11.40 ސިކުންތުގެ ރެކޯޑް އައުކޮށްފައެވެ. މީގެއިތުރުން ރައްޔާން ވަނީ ލޯންގްޖަމްޕް އިވެންޓުންވެސް 5.99 މީޓަރުގެ ރެކޯޑަކާއެކު އެއްވަނަ ހޯދާފައެވެ.
ތިނަދޫ ސިޓީގެ ނެޝަނަލް ޕޫލުގައި ތަމްރީނުކުރަމުންދާ ރައްޔާންއަކީ މިއަހަރުގެ ގައުމީ އެތްލެޓިކްސް މުބާރާތުގެ 100 މީޓަރު ދުވުމުން ދެވަނަ ހޯދި އެތްލީޓެވެ. އޭނާގެ ކޯޗް ހުސެއިން ރައުހަތު ގުދުރަތުﷲ ވިދާޅުވިގޮތުގައި ރައްޔާންއަކީ ވަރަށް އުންމީދީ، ޕްރެކްޓިސްއަށް ފަރުވާތެރި އަދި ހިތްވަރުގަދަ އެތްލީޓެކެވެ.