ކުޑަކުދީންތަކެއްގެ ނާޖައިޒު މަންފާ ނެގުމުގެ ތުހުމަތުގައި މަސްތުގެ ހާލުގައި ތިބި ހަތަރު މީހަކު ފުލުހުން ވަނީ ހައްޔަރުކޮށްފައެވެ. މި މީހުން ހައްޔަރުކޮށްފައިވަނީ މާލޭގެ ހެންވޭރު ސަރަހައްދުގައި ހުރި ގެއެއް ބަލައި ފާސްކުރުމަށް ފަހުގައެވެ.
ފުލުހުން މައުލޫމާތު ދިނުމުގައި ބުނެފައިވާ ގޮތުން، ހައްޔަރުކުރެވުނު މީހުންނަކީ ވ. ރަކީދޫ، ސިލްވަސްޓާގެ ނާފިއު ރަޝީދު އާއި މ. އެތުމާގެ އަލީ އަޝްރަފް އާއި ހ. ފިނިކުރީގެ އިބްރާހިމް ޝިނާން އަހްމަދުގެ އިތުރުން ގދ. ވާދޫ، ޕެރިސްގެ ލުހާން ސައީދު އެވެ. މި ހުރިހާ މީހުންވެސް މަސްތުވާތަކެއްޗަށް ޓެސްޓުކުރުމުން ޕޮޒިޓިވްވެފައިވާ ކަމަށް ފުލުހުން ވަނީ ހާމަކޮށްފައެވެ.
މި މައްސަލައިގައި އަނިޔާ ލިބުނު ކުދީންނަކީ 17 އަހަރުގެ ދެ އަންހެން ކުދީންނާއި، 17 އަހަރުގެ ފިރިހެން ކުއްޖަކާއި، 16 އަހަރުގެ ފިރިހެން ކުއްޖެކެވެ. ހައްޔަރުކުރެވުނު މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ތިން ދުވަހުގެ މުއްދަތަށް ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.
ފުލުހުން މި މައްސަލަ އިތުރަށް ތަހުގީގުކުރަމުންދާ ކަމަށް ބުނެފައިވެއެވެ. ކުޑަކުދީންނަށް ޖިންސީ ގޯނާކުރުމާއި، އެފަދަ ކުށްތަކަކީ ގާނޫނީ ގޮތުން ބޮޑެތި ކުށްތަކެއްގެ ގޮތުގައި ކަނޑައެޅިފައިވާ ކުށްތަކެކެވެ.