އެޓާނީ ޖެނެރަލް (އޭޖީ) އޮފީހުގެ ސީނިއާ ސްޓޭޓް ކައުންސެލެއްގެ އެޕާޓްމަންޓުން މަސްތުވާތަކެތި ފެނިގެން ރޭ ހައްޔަރުކޮށްފިއެވެ.
“މިހާރު” ނޫހުން ބުނީ ރޭގައި ހައްޔަރުކުރީ އޭޖީ އޮފީހުގެ ސީނިއާ ސްޓޭޓް ކައުންސެލަކާއި އެނާގެ ފިރިމީހާ ކަމަށާއި، ފުލުހުންގެ ޑްރަގް އެންފޯސްމަންޓުން ހިންގި އޮޕަރޭޝަނެއްގައި، އެ މީހުންގެ އެޕާޓްމަންޓުން ކަމަށް އެނގިފައިވާ ކަމަށެވެ. އަދި ހުޅުމާލޭގައި ހުންނަ އެޕާޓްމަންޓެއް ފާސްކޮށް އެ ދެ މީހުން ހައްޔަރުކޮށްގެން ގެންދަނިކޮށް ވަނީ ފެނިފައިވާ ކަމަށެވެ.
މި މައްސަލައާ އޮފީހުގެ ސީނިއާ ސްޓޭޓް ކައުންސެލަކާ ގުޅުމެއް ނެތް ކަަމަށް އެނގިފައިވާ ކަމަށާއި، އޭނާގެ އަތުން މަސްތުވާތަކެއްޗެއް ވެސް ނުފެންނަ ކަމަށް މައުލޫމާތު އެނގޭ މީހަކު ބުންނެފައިވާ ކަމަށާއި ހުޅުމާލެ 1 ގައި ހުންނަ އެ އެޕާޓްމަންޓުން ގިނަ އަދަދެއްގެ ޑްރަގް ފެނުނު ކަމަށް ވެސް އެނގިފައިވެއެވެ. ނަމަވެސް ސީދާ އަދަދެއް ކަށަވަރެއް ނުވާ ކަމަށް މިހާރު ނޫހުން ވަނީ ބުނެފައެވެ.
މި ހަބަރާއި ބެހޭ ގޮތުން ފުލުހުންގެ ބަހެއް އަދި ލިބިފައެއް ނުވެއެވެ.