ހުޅުމާލެ ހޮަސްޕިޓަލުގައި ފުރަތަމަ ފަހަރަށް އާތުރޮސްކޮޕިކް (ކީހޯލް) ނީ ސަރޖަރީއެއް ކާމިޔާބުކަމާއެކު ކޮށްފިއެވެ. މިކަން ހާމަކޮށްފައިވަނީ މާލޭ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމް އެކްސްގައި ހިއްސާކުރި ޕޯސްޓެއްގައެވެ.
ހަލީމް ވިދާޅުވީ ހުޅުމާލެ ހޮސްޕިޓަލްގެ ކަށީގެ ޑިޕާރޓްމަންޓްގެ ކްލިނިކަލް ހެޑް، ޑރ. އަޙްމަދު ޢާޒިމްގެ އިސްނެންގެވުމުގެ ދަށުން ކުރި އާތުރޮސްކޮޕިކް އޭސީއެލް ރީކޮންސްޓްރަކްޝަން ސަރޖަރީއާ އެކު ހުޅުމާލެ ހޮސްޕިޓަލްގައި އާތުރޮސްކޮޕިކް ނީ ސަރޖަރީގެ ޚިދުމަތް ރަސްމީކޮށް ފެށައި، އަދި ސަރޖަރީ ކާމިޔާބު ކޮށްފައި ކަމަށެވެ.
މި ހޯދި ކާމިޔާބީ އަކީ ރާއްޖޭގެ ޞިއްޙީ ޚިދުމަތުގެ ފެންވަރު މަތިކުރުމަށް އެޅުނު އިތުރު ފިޔަވަޅެއް ކަމަށާއި ކުރިއަށް އޮތްތަނުގައި ވެސް ބަލިމީހުންނަށް އެންމެ ފައިދާހުރި ގޮތުގައި ޚިދުމަތް ފޯރުކޮށްދިނުމަށް ހުޅުމާލެ ހޮސްޕިޓަލުން ދެމިތިބޭނެކަމުގެ ޔަޤީންކޮށް އަރުވާ ކަމަށް ހަލީމް ވަނީ ވިދާޅުވެފައެވެ.
މި ކުރިއެރުމަކީ ރާއްޖޭގެ ޞިއްޙީ ޚިދުމަތުގެ ފެންވަރު މަތިކުރުމަށް އެޅުނު އިތުރު ފިޔަވަޅެއް ކަމަށާއި، ކުރިއަށް އޮތްތަނުގައިވެސް ބަލިމީހުންނަށް އެންމެ ފައިދާހުރި ގޮތުގައި ޚިދުމަތް ފޯރުކޮށްދިނުމަށް ހުޅުމާލެ ހޮސްޕިޓަލުން ދެމިތިބޭނެކަމުގެ ޔަޤީންކޮށް އަރުވާ ކަމަށް ހަލީމް ވަނީ ވިދާޅުވެފައެވެ.
އާތުރޮސްކޮޕިކް (ކީހޯލް) ނީ ސަރޖަރީ ހަދަނީ ހަލާކުވެފައިވާ ޓެންޑަން ރިޕެއާ ކުރުމަށް، ކުޑަ ލޯވަޅެއް ތޮރުފައިގެން އެ ލޯވަޅުން ކުޑަ ހޮޅިއެއް ވައްދައި ހޮޅީގެ ތެރެއިން ކެމެރާއާއި އޮޕަރޭޝަން ކުރުމަށް ބޭނުންވާ އެހެނިހެން އާލާތްތަައް ފޮނުވައިގެން އެ އާލާތްތައް ބޭނުންކޮށްގެންނެވެ.