މާލޭގެ އެކި ސަރަހައްދުތަކުގައި ހަތަރު ފުރޮޅުލީ އުޅަނދު ޕާކްކުރުމަށް ހާއްސަކޮށްފައިވާ ޒޯންތަކުގައި ޕާކްކޮށްފައި ހުންނަ ސައިކަލްތައް ނެގުމުގެ މަސައްކަތް ފަށާނެ ކަމަށް ދިވެހި ފުލުހުންގެ ޚިދުމަތުން މިއަދު އިއުލާނުކޮށްފިއެވެ.
ފުލުހުން މިކަން އާންމުކޮށްފައިވަނީ އިޖުތިމާއީ މީޑިއާގައި ކުރި ޕޯސްޓަކާ އެކުގައެވެ. ފުލުހުން ބުނެފައިވަނީ މާލެ ސިޓީގެ އެކި ސަރަހައްދުތަކުގައި ހަތަރު ފުރޮޅުލީ އުޅަނދު ޕާކްކުރުމަށް ކަނޑައެޅިފައިވާ ޒޯންތަކަކީ އެންމެންނަށް ބޭނުންކުރެވޭ ގޮތަށް ހުންނަ ތަންތަން ކަމަށާއި، އެއްވެސް ފަރާތަކުން އެތަންތަނުގައި ސައިކަލް ޕާކު ނުކުރުމަށް އެދޭ ކަމަށެވެ.
މިހާރު ވެފައިވާ ގޮތުން، ކާރުތަކުގެ ވެރިން އަމިއްލައަށް ކާރު ޕާކިންގ ޒޯންތަކުގައި ސައިކަލް ބަހައްޓަމުންދާކަން ފާހަގަކުރެވެއެވެ. މި ފަރާތްތަކުން ސައިކަލް ބަހައްޓަނީ ހުރަހަށް ބޮޑު ސަރަހައްދެއް ހިފަހައްޓާ ގޮތަށެވެ. މިއީ ފަހުން ކާރު ޕާކުކުރުމަށް އެ ސަރަހައްދު ރިޒާވްކޮށްފައި ބޭއްވުމުގެ ބޭނުމުގައި ކަމަށް ވެއެވެ.
މި މައްސަލައަށް ހައްލެއް ގެނައުމުގެ ގޮތުން، ފުލުހުންގެ ފަރާތުން މިހާރު ވަނީ ކާރު ޕާކިންގ ޒޯންތަކުގައި ޕާކްކޮށްފައި ހުންނަ ސައިކަލްތައް ނެގުމުގެ މަސައްކަތް ފެށުމަށް ނިންމާފައެވެ. މިއީ މާލޭގެ ޕާކިންގ މައްސަލަ ހައްލުކުރުމަށް އެޅޭ އެއް ފިޔަވަޅެވެ.
ފުލުހުންގެ މި އިއުލާނާއެކު، ކާރު ޕާކިންގ ޒޯންތަކުގައި ސައިކަލް ޕާކުކުރުމުގެ ބަދަލުގައި، ސައިކަލް ޕާކުކުރުމަށް ކަނޑައެޅިފައިވާ ސަރަހައްދުތަކުގައި ސައިކަލް ޕާކުކުރުމަށް އާންމުންނަށް އިލްތިމާސްކޮށްފައިވެއެ