ނެޝަނަލް ޑްރަގް އެޖެންސީ (އެންޑީއޭ) އިން ފަރުވާ ހޯދާ މީހުންނަށް މަސްތުވާތަކެތި ދިނުމާއި، ނަހަމަ ގުޅުން ބާއްވާ ކަމުގެ ނުރައްކާތެރި ތުހުމަތެއްގައި އެ އެޖެންސީގެ މުވައްޒަފަކު ކޯޓު އަމުރެއްގެ ދަށުން މިއަދު ހައްޔަރުކޮށްފިއެވެ. ހައްޔަރުކުރި މީހާއަކީ އެންޑީއޭގެ ފަރުވާ ޕްރޮގްރާމު ޕިއާ މެންޓއްގެ ވަޒީފާ އަދާކުރަމުންދިޔަ މީހެކެވެ.
ފުލުހުން މިއަދު ބުނީ މި މައްސަލައިގައި ހައްޔަރުކޮށްފައިވަނީސް ސ. ފޭދޫ، ފްލޮރިޑާ މުހައްމަދު ފަސީހު، 51އ ކަމަށެވެ. އޭނާ ހައްޔަރުކޮށްފައިވަނީ 2025 ނޮވެމްބަރު 20 ވަނަ ދުވަހު ކޯޓު އަމުރެއްގެ ދަށުންނެވެ. މުހައްމަދު ފަސީހުގެ މައްޗަށް ތުހުމަތު ކުރެވޭ މައިގަނޑު މައްސަލައަކީ އެންޑީއޭ އިން ފަރުވާ ހޯދާ ކްލަޔަންޓުންނަށް މަސްތުވާތަކެތި ދިނުމަށް ފަހު ނަހަމަ ގުޅުން ބާއްވާކަމެވެ.
ފުލުހުން އިތުރަށް ހާމަކުރެއްވި ގޮތުގައި، އެންޑީއޭގެ ފަރުވާ ހޯދާ ކްލަޔަންޓުންނަށް ޑްރަގު ދީގެން ނާޖާއިޒު ގުޅުން ބާއްވާ ކަމަށް ތުހުމަތު ކުރެވޭ މައްސަލައެއް 2025 ނޮވެމްބަރު 4 ވަނަ ދުވަހު އެންޑީއޭގެ ފަރާތުން ވަނީ ފުލުހުންނަށް ހުށަހަޅާފައެވެ. މިފަދަ ނުރައްކާތެރި ތުހުމަތެއް އެންޑީއޭގެ މުވައްޒަފެއްގެ މައްޗަށް ކުރެވުމަކީ ފަރުވާގެ ޚިދުމަތް ހޯދާ ފަރާތްތަކުގެ އިތުބާރު ގެއްލުވާލާ ކަމެކެވެ.
މި މައްސަލަ ފުލުހުން މިހާރު ދަނީ އިތުރަށް ތަހުގީގު ކުރަމުންނެވެ. ފުލުހުން ބުނެފައިވަނީ ތަހުގީގަށް ބޭނުންވާ ހުރިހާ މައުލޫމާތެއް އެއްކުރުމުގެ މަސައްކަތް ކުރަމުންދާ ކަމަށާއި، މި މައްސަލައިގައި ޝާމިލުވާ އެހެން ފަރާތްތަކެއް ހުރިތޯ ބަލަމުންދާ ކަމަށެވެ.
ފަސީހަކީ ޖަލުގައި ހިނގި އެންމެ ވަރުގަދަ ބަޑިޖެހުމުގެ ހާދިސާގައިވެސް ގިނަ ބަޔަކަށް ފާހަގަވ އެނގިފައިވާ މީހެކެވެ. އޭގެ ފަހުންވެސް ޖަލުހުކުމްތަކެއް ތަންފީޒުކޮށްފައިވެއެވެ. އަދި ޖަލުހަޔާތުގައި ފަސީގެ ނަން މަޝްހޫރުވެފައިވަނީ ހަމަ މިމައްސަލައިގައި އޭނާގެ ނަން ފާހަގަ ކޮށްފައިވާ ގޮތަށެވެ.