ކުރީގެ ރައީސުންނަށް ދޭ އޮފީސް ހިންގުމުގެ ޚަރަދު ކުޑަކޮށް އަދި ކުރީގެ ނައިބު ރައީސުންނަށް ޢިނާޔަތްތަކެއް ދިނުމަށް، ރައީސުލްޖުމްހޫރިއްޔާކަން ކޮށްފައިވާ މީހަކަށް ދޭންޖެހޭ ރައްކާތެރިކަމާއި ޢިނާޔަތްތަކާ ބެހޭ ޤާނޫނަށް އިސްލާހުތަކެއް ރައްޔިތުންގެ މަޖިލީހުން ފާސްކޮށްފިއެވެ. ސަރުކާރުގެ ފަރާތުން ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހެޅުއްވި މި ބިލު، ވޯޓުގައި ބައިވެރިވި 68 މެންބަރުންގެ އިއްތިފާޤުން ވަނީ ފާސްވެފައެވެ.
މި އިސްލާހުތަކުގެ ދަށުން، ކުރީގެ ރައީސުންގެ އޮފީސް ހިންގުމަށް ދައުލަތުން ކޮންމެ މަހަކު ދެމުން އައި 175،000 ރުފިޔާ ދިނުން ވަނީ ހުއްޓާލެވޭ ގޮތަށް ހަމަޖައްސާފައެވެ. މީގެ އިތުރުން، ކުރީގެ ރައީސަކު ދެވަނަ ދައުރަކަށް އިންތިޚާބުވެއްޖެނަމަ ނުވަތަ ދައުލަތުގެ އެހެން މަޤާމަކަށް އައްޔަން ކުރެވިއްޖެނަމަ، އެ މަޤާމެއްގެ މުއްދަތުގައި ޤާނޫނުން ދޭ ޢިނާޔަތްތައް މެދުކަނޑާލަން ޖެހޭނެ ކަމަށްވެސް ވަނީ ބަޔާންކޮށްފައެވެ.
ރައީސުންގެ ޢިނާޔަތްތަކަށް ބަދަލު ގެނައުމުގެ އިތުރުން، ނައިބު ރައީސްކަން ކުރައްވާފައިވާ ބޭފުޅުންނަށް ޢިނާޔަތް ދިނުމަށްވެސް މި ބިލުގައި ހިމަނާފައިވެއެވެ. ނަމަވެސް، މި ޢިނާޔަތް ދޭންޖެހޭނީ 5 އަހަރުގެ ދައުރު ފުރިހަމަ ކުރާ ނައިބު ރައީސުންނަށް އެކަންޏެވެ. މި އުސޫލުން ބަލާއިރު، މިހާތަނަށް މި ޝަރުތު ފުރިހަމަ ކުރައްވާފައިވަނީ ކުރީގެ ނައިބު ރައީސް ފައިޞަލް ނަސީމް އެކަންޏެވެ.
ކުރިން ބިލުގައި ނައިބު ރައީސުންނަށް މަހަކު 25،000 ރުފިޔާގެ ޢިނާޔަތެއް ދޭން ހިމެނި ނަމަވެސް، ކޮމިޓީން ވަނީ އެ އަދަދު 30،000 ރުފިޔާއަށް ބޮޑުކޮށްފައެވެ. މީގެ އިތުރުން ނައިބުންނަށް ބޭސްފަރުވާގެ ޚަރަދުވެސް ދައުލަތުން ދޭ ގޮތަށް ވަނީ ހަމަޖައްސާފައެވެ.
މި ބަދަލުތަކުގެ ސަބަބުން ދައުލަތަށް އަންނާނެ މާލީ ބަދަލުތަކުގެ އެސްޓިމޭޓްގައިވާ ގޮތުން، ކުރީގެ ރައީސުންގެ އޮފީސް ހިންގުމަށް ދޭ ފައިސާ އުނިކުރުމުން އަންނަ އަހަރު 10.5 މިލިޔަން ރުފިޔާ ސަލާމަތްވާނެއެވެ. ނަތީޖާއެއްގެ ގޮތުން، ކުރީގެ ރައީސުންނަށް ކަނޑައަޅާފައިވާ ބަޖެޓް 19.7 މިލިޔަން ރުފިޔާއިން 10.2 މިލިޔަން ރުފިޔާއަށް ކުޑަވާނެއެވެ. ނައިބުންނަށް ޢިނާޔަތް ދިނުމުގެ ސަބަބުން އަންނަ އަހަރު އިތުރު 360،000 ރުފިޔާ (ޢިނާޔަތަށް) އާއި 700،000 ރުފިޔާ (ބޭސްފަރުވާއަށް) ޚަރަދުވާނެ ކަމަށް ލަފާކުރެވެއެވެ.
މި އިސްލާހަށް ޢަމަލުކުރަން ފަށާނީ ރައީސުލްޖުމްހޫރިއްޔާ މިބިލް ތަޞްދީޤުކުރައްވައި، ދިވެހި ސަރުކާރުގެ ގެޒެޓުގައި ޝާއިޢުކުރާ ދުވަހުން ފެށިގެންނެވެ.
ރައްޔިތުންގެ މަޖިލީހުން ވަނީ، ކުރީގެ ރައީސުންނަށް ދޭ އޮފީސް ހިންގުމުގެ ޚަރަދު ކުޑަކޮށް އަދި ކުރީގެ ނައިބު ރައީސުންނަށް ޢިނާޔަތްތަކެއް ދިނުމަށް، ރައީސުލްޖުމްހޫރިއްޔާކަން ކޮށްފައިވާ މީހަކަށް ދޭންޖެހޭ ރައްކާތެރިކަމާއި ޢިނާޔަތްތަކާ ބެހޭ ޤާނޫނަށް އިސްލާހުތަކެއް ފާސްކޮށްފައެވެ. ސަރުކާރުގެ ފަރާތުން ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހެޅުއްވި މި ބިލު، ވޯޓުގައި ބައިވެރިވި 68 މެންބަރުންގެ އިއްތިފާޤުން ވަނީ ފާސްވެފައެވެ.
މި އިސްލާހުތަކުގެ ދަށުން، ކުރީގެ ރައީސުންގެ އޮފީސް ހިންގުމަށް ދައުލަތުން ކޮންމެ މަހަކު ދެމުން އައި 175،000 ރުފިޔާ ދިނުން ވަނީ ހުއްޓާލެވޭ ގޮތަށް ހަމަޖައްސާފައެވެ. މީގެ އިތުރުން، ކުރީގެ ރައީސަކު ދެވަނަ ދައުރަކަށް އިންތިޚާބުވެއްޖެނަމަ ނުވަތަ ދައުލަތުގެ އެހެން މަޤާމަކަށް އައްޔަން ކުރެވިއްޖެނަމަ، އެ މަޤާމެއްގެ މުއްދަތުގައި ޤާނޫނުން ދޭ ޢިނާޔަތްތައް މެދުކަނޑާލަން ޖެހޭނެ ކަމަށްވެސް ވަނީ ބަޔާންކޮށްފައެވެ.
ރައީސުންގެ ޢިނާޔަތްތަކަށް ބަދަލު ގެނައުމުގެ އިތުރުން، ނައިބު ރައީސްކަން ކުރައްވާފައިވާ ބޭފުޅުންނަށް ޢިނާޔަތް ދިނުމަށްވެސް މި ބިލުގައި ހިމަނާފައިވެއެވެ. ނަމަވެސް، މި ޢިނާޔަތް ދޭންޖެހޭނީ 5 އަހަރުގެ ދައުރު ފުރިހަމަ ކުރާ ނައިބު ރައީސުންނަށް އެކަންޏެވެ. މި އުސޫލުން ބަލާއިރު، މިހާތަނަށް މި ޝަރުތު ފުރިހަމަ ކުރައްވާފައިވަނީ ކުރީގެ ނައިބު ރައީސް ފައިޞަލް ނަސީމް އެކަންޏެވެ.
ކުރިން ބިލުގައި ނައިބު ރައީސުންނަށް މަހަކު 25،000 ރުފިޔާގެ ޢިނާޔަތެއް ދޭން ހިމެނި ނަމަވެސް، ކޮމިޓީން ވަނީ އެ އަދަދު 30،000 ރުފިޔާއަށް ބޮޑުކޮށްފައެވެ. މީގެ އިތުރުން ނައިބުންނަށް ބޭސްފަރުވާގެ ޚަރަދުވެސް ދައުލަތުން ދޭ ގޮތަށް ވަނީ ހަމަޖައްސާފައެވެ.
މި ބަދަލުތަކުގެ ސަބަބުން ދައުލަތަށް އަންނާނެ މާލީ ބަދަލުތަކުގެ އެސްޓިމޭޓްގައިވާ ގޮތުން، ކުރީގެ ރައީސުންގެ އޮފީސް ހިންގުމަށް ދޭ ފައިސާ އުނިކުރުމުން އަންނަ އަހަރު 10.5 މިލިޔަން ރުފިޔާ ސަލާމަތްވާނެއެވެ. ނަތީޖާއެއްގެ ގޮތުން، ކުރީގެ ރައީސުންނަށް ކަނޑައަޅާފައިވާ ބަޖެޓް 19.7 މިލިޔަން ރުފިޔާއިން 10.2 މިލިޔަން ރުފިޔާއަށް ކުޑަވާނެއެވެ. ނައިބުންނަށް ޢިނާޔަތް ދިނުމުގެ ސަބަބުން އަންނަ އަހަރު އިތުރު 360،000 ރުފިޔާ (ޢިނާޔަތަށް) އާއި 700،000 ރުފިޔާ (ބޭސްފަރުވާއަށް) ޚަރަދުވާނެ ކަމަށް ލަފާކުރެވެއެވެ.
މި އިސްލާހަށް ޢަމަލުކުރަން ފަށާނީ ރައީސުލްޖުމްހޫރިއްޔާ މިބިލް ތަޞްދީޤުކުރައްވައި، ދިވެހި ސަރުކާރުގެ ގެޒެޓުގައި ޝާއިޢުކުރާ ދުވަހުން ފެށިގެންނެވެ.