ސިނަމާތަކަށް އައުމަށް ތައްޔާރުވެފައިވާ ފިލްމު "ޕެޑީ"ގެ ލަވަ ‘ޗިކިރީ ޗިކިރީ’، އިންޑިއާގެ މިއުޒިކް ޗާޓުތަކުގައި ބޮޑު ކާމިޔާބީއެއް ހޯދައި، ޓްރެންޑްވާން ފެށި ގޮތަށް މިވަނީ ދުވަހެއް ދުވަހަކަށް އިތުރަށް މަގުބޫލުވެ ޓްރެންޑިން ޗާޓުން ނުވެއްޓި ކުރި ހޯދަމުންނެވެ.. މި ލަވައިގެ މަގުބޫލުކަން އިތުރުވެފައިވަނީ އޭގެ ހިތްގައިމު މިއުޒިކާއި، ފޯރިގަދަ ނެށުމުގެ އިތުރުން، އެކި ޕްލެޓްފޯމްތަކުން ގިނަ ބައެއްގެ ސަމާލުކަންވެސް ލިބެމުންދާތީއެވެ.
މި ލަވައިގެ ވީޑިއޯގައި ފެނިގެންދަނީ މަޝްހޫރު ތަރި ރާމް ޗަރަން އާއި ޖާންވީ ކަޕޫރެވެ. އެ ދެ ތަރިން މިލަވައިގަ ހަރަކާތްތެރިވުމަކީ ލަވަ މަގުބޫލުވުމުގެ މުހިންމު ސަބަބެކެވެ. ޚާއްސަކޮށް، ރާމް ޗަރަން މި ލަވައިގައި ފެނިގެންދަނީ ރަށުބޭރުގެ މާހައުލެއްގައި ތަފާތު ސިފައެއްއްގައެވެ. ޓްރެކްޓޮލީވުޑް އިން ފާހަގަކުރާ ގޮތުގައި، މި ލަވައިގެ މިއުޒިކް ހަދާފައިވަނީ މަޝްހޫރު މިއުޒިކް ޑައިރެކްޓަރު އޭ.އާރް. ރަޙްމާން ކަމަށްވުމުން، ފޯކް-އިންސްޕަޔަރޑް މި މިއުޒިކަށް ވަރަށް ބޮޑު އިތުރު އެޕީލްއެއް ލިބިގެންދެއެވެ.
ފިލްމު ޕުޝްޕާ ގައި އައްލުއަރުޖުން ފެނިގެންދިޔަ ގޮތާއި، ޗިކިރީގައި ރާމް ޗަރަން ފެންނަ ގޮތް އެއްގޮތް ވުމަކީވެސް މިލަވަ ކާމިޔާވުމުގެ ސބަަބެކެވެ،
މި ލަވައިގެ އެންމެ ބޮޑު ކާމިޔާބީއަކީ ވިއުސްގެ ރެކޯޑްތައް މުގުރާލުން ކަމަށް ވެއެވެ. މި ލަވައަކީ ރިލީޒްކުރިތާ 24 ގަޑިއިރުގެ ތެރޭގައި އެންމެ ގިނަ ވިއުސް ހޯދި އިންޑިއާގެ ލަވަތަކުގެ ތެރޭގައި ހިމެނޭ ލަވައެކެވެ. އަދި 50 މިލިއަން ވިއުސް އެންމެ އަވަހަށް ހޯދި އިންޑިއާގެ ލަވަތަކުގެ ތެރޭގައިވެސް މި ލަވަ ހިމެނެއެވެ. މި ކާމިޔާބީތަކުގެ ސަބަބުން ފިލްމު "ޕެޑީ" އަށް ބޮޑު އިންތިޒާރެއް އުފެދިފައިވާކަން ފާހަގަކުރެވެއެވެ.
މި ލަވައިގެ މަގުބޫލުކަން އިތުރުވުމުގެ އެހެން ސަބަބުތަކުގެ ތެރޭގައި، މިޔުޒިކާއި އަޑުގެ ފުރިހަމަކަމަށް އިތުރުވާ ޖޯޝާއި ފޯރިގަދަ ނެށުން ހިމެނެއެވެ. މިކަމުގެ ސަބަބުން ސޯޝަލް މީޑިއާ ޓްރެންޑްތަކާއި، ރީލްސް ތައްޔާރުކުރުމަށް މި ލަވަ ދަނީ ވަރަށް ބޮޑަށް ބޭނުންކުރެވެމުންނެވެ.
އިންސްޓަގްރާމް ޕޯސްޓެއްގައި ފާހަގަކޮށްފައިވާ ގޮތުގައި، މި ލަވަ ވަނީ ޓެލުގޫ، ހިންދީ، ތަމަޅަ، ކަންނަޑާ އަދި މަލަޔާޅަމް ބަސްތަކުންވެސް ވަރަށް ބޮޑަށް ކާމިޔާބު ހޯދާފައެވެ. މިކަމުން ދައްކުވައިދެނީ އިންޑިއާގެ އެކި ހިސާބުތަކުގައި މި ލަވައަށް ބޮޑު ތަރުހީބެއް ލިބެމުންދާ ކަމެވެ. "ޗިކިރީ ޗިކިރީ" ލަވައަކީ ފިލްމު "ޕެޑީ" ރިލީޒްވުމުގެ ކުރިންވެސް ފިލްމަށް ބޮޑު ކާމިޔާބީއެއް ހޯދައިދިން ލަވައެކެވެ.