މިރޭ ދަންވަރު 12 އިން ހެނދުނު 6ކާއި ދޭތެރޭ އިންޓަނެޓު ކެނޑޭނެ ކަމަށް ރާއްޖޭގައި މުއާސަލާތީ ހިދުމަތް ދޭ އެންމެ ބޮޑު ކުންފުނި ކަމުގައިވާ ދިރާގުން ބުނެފިއެވެ.
ދިރާގުން މިރޭ ކުރި ޓްވީޓެއްގައި ބުނެފައިވަނީ އެ ކުންފުނިން ދޭ ޚިދުމަތެއް ކަމުގައިވާ ފިކްސްޑް ބްރޯޑްބޭންޑް ނެޓްވޯކްގެ ސިސްޓަމް މެއިންޓެނަންސް މަސައްކަތެއް މިރޭ ދަންވަރު 00:00 އިން ހެނދުނު 06:00 އަށް ކުރުމަށް ހަމަޖެހިފައިވާ ކަމަށެވެ.
ދިރާގުގެ ޓްވީޓުގައި އިތުރަށް ބުނެފައިވަނީ މިރޭ ދަންވަރު 00:00 އިން ހެނދުނު 06:00 އަށް ކުރުމަށް ހަމަޖެހިފައިވާ މަސައްކަތުގައި 5 މިނެޓަށް ޚިދުމަތް ކެނޑިގެން ހިނގައިދާނެ ކަމަށެވެ. އަދި މި ގަޑިތަކުގައި ކަސްޓަމަރުންނަށް ދިމާވެދާނެ ދަތިތަކަށް މައާފަށް އެދޭކަމަށް ދިރާގުން ކުރި ޓްވީޓެއްގައިވަނީ ބުނެފައެވެ.