އައްޑޫ ހައި ސްކޫލުގައި ދަރިވަރަކާއި ޓީޗަރަކާއި ދެމެދު ހިނގި މާރާމާރީއާއި ގުޅިގެން، އެ ދަރިވަރު އަމިއްލައަށް މާފަށް އެދި، އަހުލާގީ ޕްރޮގްރާމެއް ފުރިހަމަ ކުރަންދެން ސަސްޕެންޑް ކޮށްފައިވާ ކަމަށް އެޑިއުކޭޝަން މިނިސްޓްރީން ބުނެފިއެވެ. މި ހާދިސާ ހިނގާފައިވަނީ އިއްޔެ، ބީޓެކް ދަރިވަރަކާއި ޓީޓެކް ކިޔަވައިދޭ އިންޑިއާގެ ޓީޗަރަކާއި ދެމެދުގައެވެ. މި މައްސަލައިގައި ޓީޗަރު ވެސް ވަނީ ސަސްޕެންޑްކޮށް، މައްސަލަ ފުލުހުންނަށް ހުށަހަޅާފައެވެ.
އެޑިއުކޭޝަން މިނިސްޓްރީގެ އޮފިޝަލަކު “ވަގުތު” އަށް މައުލޫމާތު ދެއްވަމުން ވިދާޅުވީ، ދަރިވަރު ސަސްޕެންޑްކޮށްފައިވަނީ ވިހޭވިއާ މޮޑިފިކޭޝަން ޕްރޮގްރާމެއް ފުރިހަމަ ކުރާ ގޮތަށް ކަމަށެވެ. އޮފިޝަލް ވިދާޅުވީ، “ސަސްޕެންޑްކޮށްފަ ވަނީ ބިހޭވިއާ މޮޑިފިކޭޝަން ހިންގާ ގޮތަށް. އަމިއްލައަށް މާފަށް އެދި އަހުލާގީ ޕްރޮގްރާމެއްގައި ބައިވެރިވާ ގޮތަށް ސަސްޕެންޑް ކުރީ” ކަމަށެވެ. މީގެ އިތުރުން، އެ ޕްރޮގްރާމަކީ ދަރިވަރު ފުރިހަމަ ކުރަން މަޖުބޫރު ޕްރޮގްރާމެއް ކަމަށް ވެސް އޮފިޝަލް ވިދާޅުވިއެވެ.
މި މައްސަލައާއި ގުޅިގެން ޓީޗަރާއި ދަރިވަރު ތަޅާފޮޅާ މަންޒަރު ފެންނަ ވީޑިއޯއެއް މީސްމީޑިއާގައި ވަނީ އާންމުވެފައެވެ. އެ ވީޑިއޯއިން ފެންނަނީ ކްލާސް ރޫމެއްގެ ތެރޭގައި ފިރިހެން ދަރިވަރަކު ބިންމައްޗަށް ވެއްޓިފައި އޮއްވާ، ބިދޭސީ ޓީޗަރަކު އެ ކުއްޖާގެ އަތުން އެއްޗެއް އަތުލަން އުޅޭ މަންޒަރެވެ. ދެން ދަރިވަރު ބިންމަތިން ތެދުވެ ޓީޗަރުގެ ކޮނޑުގައި ޖަހާއިރު، ޓީޗަރު ވެސް އެ ކުއްޖާގެ ގައިގައި ޖަހައެވެ. ކްލާސްރޫމް ތެރޭގައި ތިބި އެހެން ދަރިވަރުން “ހަމަޖެހޭށޭ” ބުނެ ހުއްޓުވަން މަސައްކަތް ކުރި ނަމަވެސް، މާރާމާރީ ކުރިއަށް ދިޔައެވެ. ވީޑިއޯ ނިމުމުގެ ކުރިން އަންހެނަކު “ކްލާހުން މިހާރު ނިކުންނާށޭ” ބާރަށް ބުނާ އަޑު އިވެއެވެ.
މި މައްސަލައިގައި އެންމެ ފުރަތަމަ ޓީޗަރު ސަސްޕެންޑް ކުރުމުން މީސްމީޑިއާގައި ގިނަ ބައެއްގެ ހިޔާލު ތަފާތުވެ، ދަރިވަރު ވެސް ވަގުތުން ސަސްޕެންޑް ކުރަން ޖެހޭ ކަމަށް ގިނަ ބަޔަކު ވަނީ ބުނެފައެވެ. މިހާރު ދަރިވަރު ސަސްޕެންޑްކޮށް، އަމިއްލައަށް މާފަށް އެދި އަދި އަހުލާގީ ޕްރޮގްރާމް ފުރިހަމަ ކުރުމަށް އެ