ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޤަތަރުގެ ޤައުމީ ދުވަހުގެ މުނާސަބަތުގައި އެޤައުމުގެ ޢަމީރު ޝެއިޚް ތަމީމް ބިން ޙަމަދު އަލް-ޘާނީއަށާއި ޤަތަރުގެ ބޮޑުވަޒީރު ޝެއިޙް މުހައްމަދު ބިން އަބްދުއްރަހްމާން ބިން ޖާސިމް އަލް-ޘާނީއަށް ތަހުނިޔާ ފޮނުއްވައިފިއެވެ. ޤަތަރުގެ ޤައުމީ ދުވަސް ކޮންމެ އަހަރެއްގެވެސް ޑިސެންބަރު 18 ވަނަ ދުވަހު ފާހަގަކުރާއިރު، ރައީސް މުޢިއްޒު މި ތަހުނިޔާ ފޮނުއްވާފައިވަނީ ދިވެހި ސަރުކާރާއި ރައްޔިތުންގެ ނަމުގައެވެ.
ރައީސުލްޖުމްހޫރިއްޔާ ޑރ. މިޙައްމަދު މުޢިއްޒު މި ތަހުނިޔާގެ މެސެޖު ޤަތަރުގެ ޤައުމީ ދުވަހާ ގުޅިގެން ހިއްސާކުރައްވާފައިވަނީ ސޯޝަލް މީޑިއާ ޕްލެޓްފޯމެއް މެދުވެރިކޮށެވެ. އެމަނިކުފާނު ވަނީ ދިވެހި ސަރުކާރާއި ދިވެހި ރައްޔިތުންގެ ފަރާތުން ޤަތަރުގެ ރަސްގެފާނަށާއި ބޮޑުވަޒީރާއި އެޤައުމުގެ ރައްޔިތުންނަށް ދުވަހުގެ ހެޔޮ އެދުމާއި ތަހުނިޔާ އަރިސްކުރައްވާފައެވެ.
މި މުނާސަބަތުގައި ރައީސުލްޖުމްހޫރިއްޔާ ވަނީ ޤަތަރާއި ރާއްޖެއާއި ދެމެދުގައި އޮތް ވަރުގަދަ ގުޅުން އިތުރަށް ދަމަހައްޓާ އާލާ ކުރެވޭނެ ކަމަށް ޔަޤީންކުރައްވާ ކަމަށް ވިދާޅުވެފައެވެ. އެމަނިކުފާނުގެ ވާހަކަފުޅުގައި، ޤަތަރަކީ ރާއްޖޭގެ ތަރައްޤީގެ މުހިންމު ބައިވެރިއެއްކަން ވަނީ ފާހަގަކުރައްވާފައެވެ.
ރައީސް މުޢިއްޒު ވަނީ ދެކުވެރި ޤައުމުގެ ގުޅުން އިތުރަށް ބަދަހިވެ، މީހުންގެ މެދުގައި އޮތް ގުޅުން ހަރުދަނާވެގެންދާނެ ކަމަށް އުންމީދުކުރައްވާ ކަމަށް ވިދާޅުވެފައެވެ. މިފަދަ ތަހުނިޔާތަކަކީ ދެމެދުގައި އޮތް ގާތް ގުޅުމާއި އެކުވެރިކަން ދައްކުވައިދޭ ކަމެކެވެ.