ޅ. ނައިފަރުގެ މަގުތައް ޒަމާނީ ފެންވަރަށް ތަރައްގީ ކުރުމުގެ މަސައްކަތް ބާރަށް ކުރިއަށްދާ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މިއަދު ބުނެފިއެވެ. މިއީ ރައްޔިތުންނަށް ދިރިއުޅުމުގެ ފަސޭހަ ލިބިގެންދާނެ ގޮތަކަށް މަގުތައް ފަރުމާކުރުމަށް ސަރުކާރުން ގެންގުޅުއްވާ އުސޫލެއްގެ ދަށުން ކުރިއަށްދާ މުހިންމު މަޝްރޫއެކެވެ.
އާރްޑީސީއިން ހާމަކުރި ގޮތުގައި، ނައިފަރުގެ މަގުތައް ޒަމާނީ ފެންވަރަށް ތަރައްޤީ ކުރުމުގެ މަޝްރޫއުގެ ދަށުން މިވަގުތު އެންމެ ބާރަށް ކުރިއަށް ދަނީ ރަށުގެ އިފްތިތާހީ މަގުގައި ކޭބަލް ޖަންކްޝަން ނެޓްވޯކް އެޅުމުގެ މަސައްކަތެވެ.
މި މަޝްރޫޢާ ގުޅޭގޮތުން ސަރުކާރުން ވަނީ ނައިފަރުގެ މަގުތައް ތަރައްޤީކުރާނީ ރަށުގެ ރައްޔިތުން ބޭނުންވާގޮތަށްކަމަށް ވިދާޅުވެފައެވެ. ސަރުކާރުން ގެންގުޅުއްވާ އުސޫލަކީ ރަށްރަށުގެ މަގުތައް ޒަމާނީ ފެންވަރަށް ތަރައްޤީކުރާއިރު، ފުރަތަމަ އިސްކަންދެނީ ރަށުގެ އިސް މުއައްސަސާތައް ހުންނަ މަގުތަކާއި، ބޮޑަށް ހަލާކުވެފައި ހުންނަ މަގުތައް ތަރައްޤީކުރުމެވެ. މިއީ ރައްޔިތުންނަށް ދިރިއުޅުމުގެ ފަސޭހަ ލިބިގެންދާނެ ގޮތަކަށް މަގުތައް ފަރުމާކުރުމަށް ސަރުކާރުން ކަނޑައަޅުއްވާފައިވާ އުސޫލެކެވެ.
ރާއްޖޭގެ އެކި ރަށްރަށުގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތްތައް ސަރުކާރުން އަންނަނީ ކުންފުނިތަކާ ހަވާލުކުރައްވައިގެން ބާރަށް ކުރިއަށް ގެންދަވަމުންނެވެ. މި މަސައްކަތްތަކުގެ ސަބަބުން ރަށްރަށުގެ އާބާނާނީ ތަރައްޤީއަށް ބޮޑެތި ކުރިއެރުންތަކެއް ލިބި، ރައްޔިތުންގެ ދިރިއުޅުމުގެ ފެންވަރު ރަނގަޅުވެގެންދާނެ ކަމަށް ސަރުކާރުން ވިދާޅުވެއެވެ.