ބަނޑުގައި ވައިހެދުމާއި ބަނޑު ފުފުމަކީ އަޅުގަނޑުމެންގެ ތެރޭގައި ވަރަށް ގިނަ ބަޔަކަށް ދިމާވާ، އުނދަގޫ ބޮޑު މައްސަލައެކެވެ. މިއީ އާންމު ގޮތެއްގައި ކެއުމުގެ އާދަތަކާއި ދިރިއުޅުމުގެ ވައްޓަފާޅި ހުންނަ ގޮތުން ދިމާވާ ކަމެކެވެ. މި މައްސަލައިގެ ސަބަބުން ހަށިގަނޑަށް ނުތަނަވަސްކަން ލިބި، ދުވަހުގެ މަސައްކަތްތަކަށް ބުރޫއަރާ ފަހަރުވެސް އާދެއެވެ.
ބަނޑުގައި ވައި އުފެދެން މެދުވެރިވާ ސަބަބުތައް؛ ބަނޑުގައި ގޭސް އުފެދެނީ ހަޖަމުގެ ނިޒާމަށް ދިމާވާ އެކި މައްސަލަތަކާއި، ކެއުމުގެ ނުރަނގަޅު އާދަތަކުގެ ސަބަބުންނެވެ. މީގެ އިތުރުން ހަށިގަނޑަށް އަންނަ ހޯމޯނަލް ބަދަލުތަކަކީވެސް މީގެ ސަބަބަކަށް ވެދާނެއެވެ. ބަނޑުހިކުމަކީ ގޭސް އުފެދުމަށް މަގުފަހިވާ އެންމެ ބޮޑު އެއް ސަބަބެވެ. އެހެންކަމުން، ގަވާއިދުން ބަނޑު ހުސްކުރުމަކީ މި މައްސަލައިން ސަލާމަތްވުމަށް ކޮންމެހެން މުހިއްމު ކަމެކެވެ. އަދި މާ އަވަހަށް ކެއުމާއި، ޗުވިންގަމް ހެފުމާއި، ސިގަރެޓް ބުއިމަކީ ކެއުމުގެ ތެރޭގައި ހަށިގަނޑަށް ވައި އެތެރެވާ ކަންކަމަށް ވާތީ، މި އާދަތަކުގެ ސަބަބުން ބަނޑު ފުއްޕުން އިތުރުވެއެވެ.
ކާނާގެ ތެރެއިން ގެނެވިދާނެ ބަދަލުތައް؛ ކާނާގެ ތެރެއިން މި މައްސަލައަށް ހައްލު ހޯދުމަށްޓަކައި ލޮނާއި، ހަކުރު އަދި ފިޒީ ޑްރިންކްސް ބޭނުންކުރުން މަދުކުރަން ޖެހެއެވެ. މެދުމިންވަރަކަށް ފައިބާ އެކުލެވޭ ކާނާ ބޭނުންކުރުމަކީ ހަޖަމުކުރުމަށް އެހީތެރިވެދޭނެ ކަމެކެވެ. ހަޖަމުގެ ނިޒާމު ރަނގަޅަށް މަސައްކަތް ކުރުމަށްޓަކައި ދުވާލަކު މަދުވެގެން ދެ ލީޓަރު ފެން ބުއިމަކީ ކޮންމެހެން ކުރަންޖެހޭ ކަމެކެވެ. ފެން މަދުވުމަކީ ހަޖަމުކުރުމަށް ހުރަސްއެޅި، ވައި އުފެދުމަށް މަގުފަހިވާ ކަމެކެވެ.
ގުދުރަތީ ފަރުވާއެއް: ލޮނުމެދާއި ލުނބޯ، މާމުޔާއި ވާޖިނިއާ އޮއިލް ގައި އުފައްދާ މި ބުއިމަކީ ގޭހުގެ އިތުރުން އެހެންވެސް އެތައް ކަމަކަށް ފަރުވާއެއް!
ބަނޑުގައި ވައިހެދުމަށް އޮތް އެންމެ ރަނގަޅު ފަރުވާއަކީ ގުދުރަތީ މާއްދާތައް ބޭނުންކޮށްގެން ތައްޔާރުކުރާ ބުއިންތަކެވެ. ލޮނުމެދަކީ ހަޖަމުކުރުމުގެ ނިޒާމަށް އެހީތެރިވެދޭ، އެންޓިވައިރަލް އަދި އެންޓިފަންގަލް މާއްދާތައް އެކުލެވޭ ބާވަތެކެވެ. ލޮނުމެދާއި ލުނބޯ އެއްކޮށްގެން ބޭނުންކުރުމުން ބަނޑުގައި ހުންނަ ނުބައި ބެކްޓީރިއާ އާއި ޔީސްޓް މަދުކޮށްދީ ވައިގެ އުނދަގޫތަކުން ސަލާމަތްކޮށްދެއެވެ.
ތިރީގައި މިހިމަނާލަނީ ބަނޑުގައި ވައިހެދި ފުފިފައި ހުރުމަށް ތައްޔާރުކޮށްގެން ބޭނުންކޮށްލެވިދާނެ ބުއިމެކެވެ.
- 3 ލުނބޯ ފޮތިކޮށް ކޮށާފައި (ތޮށްޓާއެކު)
- 3 ލޮނުމެދު ޗަސްކޮށްފައި
- ވާޖިނިއާ އޮއިލް (1 ލީޓަރު، ފުޅީގެ އެއްބައި ބޭނުންކުރުމަށް.) (ސަބަބަކީ މިއަށް ބޭނުންވާނީ 500 އެމްއެލް ވާޖިނިއާ އޮއިލް ކަމަށްވާތީ)
- މާމުއި
- ބިއްލޫރިފުޅިއެއް (2 ލީޓަރު)
ޗަސްކޮށްފައި ހުރި ލޮނުމެދާއި ލުނބޯ ފުޅިއަށް އަޅައި މޭޒުމަތީ ބޮޑު ސަމުސަލެއްގެ ފަސްސަމުސާ މާމުއި އެއަށް އަޅާށެވެ.
ވާޖިން އޮއިލް ފުޅީގެ އެއްބަޔަށް ވާ ވަރަށް (500 އެމްްއެލް) އަޅާލައި، ރަނގަޅަށް ހުރިހާ އެއްޗެއް އެއްކޮށްލާށެވެ.
(ލޮނުމެދާއި ލުނބޯ އަދި ވާޖިންއޮއިލް އެކުވުމުން ވައިގެ އުނދަގުލުން ސަލާމަތް ކޮށްދޭ)
ބޭނުންކުރާނެ ގޮތް
މި ބުއިން 12 ގަޑިއިރު މެރިނޭޓް ކުރުމަށްފަހު، ކޮންމެ ދުވަހަކުވެސް ދުވާލަކު ދެފަހަރު، ސަމުސަލެއް ބޭނުން ކުރާށެވެ. މި ބުއިން ރައްކާތެރި ކުރުމަށް ފުރިޖް ކުރެވިދާނެއެވެ. ނޫނީ ރޫމް ޓެމެޕްރޭޗަރ ގައިވެސް ބެހެއްޓިދާނެއެވެ. ހޫނުވެ އަވީގައި ނުޖެހެންޏާ ރަނގަޅުވާނެއެވެ. ސަބަބަކީ މިއީ 3 ވަރަކަށް ލުނބޯ ވީމަ އެހާ ގިނަ ދުވަސްތަކެއް ނުވަނީސް ހުސްވެދާނެތީ ފްރިޖްނުކޮށް ފިނި ތަނެއްގައިވެސް ބެހެއްޓިދާނެއެވެ.
މިއީ ހަޖަމު ކުރުމުގެ މައްސަލައަށާއި ބަނޑުގައި ވައިހެދި ބަނޑު ފުފިފައި ހުރުމަށް ވަަރަށްވެސް ރަނގަޅު ފަރުވާއެކެވެ.
ގަވާއިދުން ފެންބުއިން އިތުރުކުރުން
ކެއުމުގެ އާދަތައް ރަނގަޅުކުރުން
ގަވާއިދުން ކަސްރަތުކުރުން
ނިދުމުގެ އާދަތައް ހަރުދަނާކުރުން، މިއީ ހައްތަހާ ވެސް ފުރަމޭ ގައި ސަރުބީ ޖެހުމާއި ބަނޑުގައި ވައިހެދި ބަނޑު ފުފިފައި ހުރުމަށް މަގުފަހި ކުރުވާ ނޭދެވޭ އަދަދަކުން ދުރުވާން ކުރަން ޖެހޭ ކަންތައްތަކެކެވެ.
މި ފަރުވާއަކީ ގިނަ ބައެއްގެ ތަޖުރިބާއިން ސާބިތުވެފައިވާ ރަނގަޅު ނަތީޖާ ލިބޭ ފަރުވާއެކެވެ.
ނަމަވެސް، އެއްވެސް ބާވަތެއްގެ އެލަރޖީއެއް ހުރި ފަރާތްތަކުން މި ފަރުވާ ފެށުމުގެ ކުރިން ޞިއްޙީ މާހިރެއްގެ ލަފާ ހޯދުން މުހިންމެވެ.