ފިޔޯރީ ކައުންސިލުން އިންތިޒާމް ކޮށްގެން ބާއްވަމުންދާ ބީފާން ވޮލީބޯޅަ ޓޯނަމެންޓް 2026 ގެ ފިރިހެން ޑިވިޝަންގެ ތިންވަނަ މެޗުގައި ރަތަފަންދޫ އަދި ފިޔޯރީ ވާދަކުރި މެޗު، ސީދާ 3 ސެޓުން ރަތަފަންދޫ ޓީމުން ކާމިޔާބުކޮށްފިއެވެ.
ފިޔޯރީ ރަސްމީ ވޮލީ ކޯޓުގައި ކުރިއަށްދިޔަ މި މެޗު ސީދާ 3 ސެޓުން ކާމިޔާބުކުރީ ރަތަފަންދޫ ޓީމުންނެވެ.
ވާދަވެރި ކުޅުމަކަށްފަހު މެޗުގެ ފުރަތަމަ ސެޓު 22-25 އިން ކާމިޔާބުކުރީ ރަތަފަންދޫ ޓީމުންނެވެ. މި ސެޓުގައި ރަތަފަންދޫ ޓީމުގެ ބޭރު ކުޅުންތެރިޔާ ޖާޒީ ނަމްބަރު 9 އިސްމާއިލް ސާޖިދު (ކާއްޓެ) ގެ މޮޅު ކުޅުމެއް ފާހަގަކުރެވިގެންދިޔައެވެ.
ދެވަނަ ސެޓުގައި ފިޔޯރީ ޓީމުން ލީޑެއް ނެގިނަމަވެސް، ރަތަފަންދޫ ޓީމުން ވަނީ ސެޓުގެ މެދާ ހިސާބުން ލީޑު އަތުލާފައެވެ. އަދި މި ސެޓު ވެސް 22-25 އިން ކާމިޔާބުކުރީ ރަތަފަންދޫ ޓީމުންނެވެ.
ފޯރިގަދަ މެޗަކަށްފަހު 27-29 އިން ތިންވަނަ ސެޓު ވެސް ގެންދިޔައީ ރަތަފަންދޫ ޓީމުންނެވެ.
މިއާއެކު، ރަތަފަންދޫ ޓީމު ވަނީ މުބާރާތުގެ ފިރިހެން ޑިވިޝަންގެ ފައިނަލުގެ ދެވަނަ ޖާގަ ކަށަވަރުކޮށްފައެވެ.
މެޗުގެ މޮޅު ކުޅުންތެރިއަކަށް ހޮވިފައިވަނީ ރަތަފަންދޫ ޓީމުގެ ޖާޒީ ނަމްބަރ 9 އިސްމާއިލް ސާޖިދެވެ.
ޖަނަވަރީ 23 ވަނަ ދުވަހު އޮންނަ މުބާރާތުގެ ފިރިހެން ޑިވިޝަނުގެ ފައިނަލުގައި ބައްދަލުކުރާނީ ދަނޑިމަގު ޓީމާއި ރަތަފަންދޫ ޓީމެވެ.
މާދަމާ ރޭ 20:40 އަންހެން ޑިވިޝަންގެ ފައިނަލް މެޗު ކުޅުމަށް ވަނީ ހަމަޖެހިފައެވެ. މެޗުގައި ބައްދަލުކުރާނީ އެކުވެރި ފުނާޑު ޓީމާއި ފިޔޯރީ ޓީމެވެ.