އާފަލާއި، ފޮނިތޮށި އަދި ރީނދޫ ބޭނުންކޮށްގެން ތައްޔާރުކުރާ ބުއިމަކީ ހަށިގަނޑުގެ ދިފާއީ ނިޒާމު ވަރުގަދަކޮށްދިނުމަށާއި، ހަޖަމުކުރުމުގެ ނިޒާމު ރަނގަޅުކުރުމަށް ބޭނުންކުރެވޭ ވަރަށް ފައިދާހުރި ބުއިމެކެވެ.
މިއީ ހޫނުކޮށް ނުވަތަ ފިނިކޮށްވެސް ބޭނުންކުރެވިދާނެ، ސިއްހީ ގޮތުން ގިނަގުނަ މަންފާތަކެއް އެކުލެވިގެންވާ ބުއިމެކެވެ. އާފަލުގެ ފޮނިކަމާއި، ފޮނިތޮށީގެ މީރުވަހާއި، ރީނދޫގެ ބޭސްވެރި ސިފަތައް އެކުލެވުމުން މިއީ މުޅި ދުވަހުގެ ދުޅަހެޔޮކަމަށް އެހީތެރިވެދޭނެ ބުއިމެކެވެ.
މި ބުއިން ތައްޔާރު ކުރެވިދާނެ ބައެއް ގޮތްތައް
ދިފާއީ ނިޒާމު ވަރުގަދަ ކުރުމަށް: އާންމުކޮށް ރޯގާގެ ދުވަސްވަރު ބޭނުންކުރުމަށް މިއީ ވަރަށް ރަނގަޅު ސައެކެވެ.
ބޭނުންވާ ތަކެތި:
- 500ml އާފަލު ޖޫސް (ނުވަތަ 4 އާފަލު ކޮށާފައި)،
- 1 ސައިސަމުސާ ފޮނިތޮށި، ނުވަތަ 2 އިންޗި ފޮނިތޮށި
- ބައި ސަމުސާ ރީނދޫ،
- 1 ސައިސަމުސާ މާމުއި އަދި އިނގުރު (ބޭނުންނަމަ).
ތައްޔާރުކުރާނެ ގޮތް:
އާފަލު ޖޫސް ނުވަތަ ފެނާއި އާފަލު ކައްކަން އުދާށެވެ.
ކެކެން ފެށުމުން ފޮނިތޮއްޓާއި ރީނދޫ އަޅައިގެން 5-10 މިނެޓު ވަންދެން މަޑުގިނީގައި ކައްކާށެވެ.
ބަރުދަން ލުއިކުރުމަށް ބޭނުންކުރާ "ޑިޓޮކްސް" ބުއިން:
ހަށިގަނޑު ދުޅަވުމުން ސަލާމަތްކޮށްދީ، މެޓަބޮލިޒަމް ހަލުވި ކޮށްދިނުމަށް އެހީތެރިވެދިނުމާއެކު، ބަރުދަން ލުއިކޮށްދޭނެ އެވެ.
ބޭނުންވާ ތަކެތި: 1 ފެހި އާފަލު (ކޮށާފައި)، 1 ލުނބޯ (ހުތް)، 2 އިންޗި ފޮނިތޮށި، ބައި ސައިސަމުސާ ރީނދޫ، 4 ތަށި ފެން.
ތައްޔާރުކުރާނެ ގޮތް:
500 އެމްއެލްގެ ފެން ކައްކާފައި އޭގެ ތެރެއަށް އާފަލާއި ފޮނިތޮށި އަޅައި 15 މިނެޓު ކައްކާށެވެ.
އެއަށްފަހު ރީނދޫ އަޅައި، އުނދުނުން ބޭލުމަށްފަހު ލުނބޯހުތް އެއްކޮށްލާށެވެ.
އާފަލާއި، ފޮނިތޮށި އަދި ރީނދުލުން ތައްޔާރު ކުރާ މި ބުއިމުން ހަޖަމު ކުރުމުގެ ނިޒާމް ރަނގަޅު ކޮށްދޭ!
ނިދުމުގެ ކުރިން ބުއިމަށް:
ރޭގަނޑު ނިދުމުގެ ކުރިން ހަޖަމުކުރުމުގެ ނިޒާމަށް ލުއިކަން ހޯދައިދިނުމަށް މި ބުއިން ބޭނުންކުރެވެއެވެ.
ތައްޔާރު ކުރާނެ ގޮތް:
ފެހި އާފަލަކާއި، 2 އިންޗީގެ ފޮނިތޮށްޓާއި، ރީނދޫ ކޮޅެއް 500 އެމްއެލްގެ ފެނަށް އަޅައިގެން ކައްކާށެެވެ. ފުރޭންޏަކުން ފުރާނައި ތަށްޓަކަށް އަޅާށެވެ.
މައިގަނޑު ބާވަތްތަކާއި އޭގެ ފައިދާ
ރީނދޫ: މީގައި އެކުލެވޭ "ކާކިއުމިން" އަކީ ހަށިގަނޑުގެ ދުޅަ ތިރޖ ކޮށްދީ، ހުޅުހުޅުގައި ރިއްސުން ކުޑަކޮށްދޭ މާއްދާއެކެވެ.
ފޮނިތޮށި: ލޭގައި ހަކުރު ހުންނަ މިންވަރު ކޮންޓްރޯލްކޮށްދީ، ކާހިތްވުން ކުޑަކޮށްދެއެވެ.
އާފަލު: ފައިބަރާއި ވިޓަމިންސް މުއްސަނދި މި މޭވާއަކީ ހަޖަމުކުރުމަށް އެހީތެރިވެދޭ އެއްޗެކެވެ.
ސިއްހީ ފައިދާތައް
ދުޅަ ތިރުވުން: ރީނދުލުގައި ހުންނަ އެންޓި-އިންފްލެމޭޓަރީގެ ސަބަބުން ދުޅަވުން ތިރިކޮށް، ހުޅުހުޅުގެ ރިއްސުން ކުޑަކޮށްދެއެވެ.
ހަޖަމު ކުރުން: ބަނޑު ފުއްޕުމުން ސަލާމަތްކޮށްދީ، ހަޖަމުކުރުމުގެ ނިޒާމު ސާފުކޮށްދެއެވެ.
ހަކުރު ކޮންޓްރޯލް ކުރުން: އިންސިއުލިންގެ މަސައްކަތް ހަލުވިކޮށްދީ، ލޭގެ ހަކުރު އެއްވަރެއްގައި ހިފަހައްޓައިދެއެވެ.
ދިފާއީ ބާރު ގަދަކުރުން: އެންޓިއޮކްސިޑެންޓް ގިނަވުމުގެ ސަބަބުން ބަލިތަކާ ދެކޮޅަށް ހަށިގަނޑު ވަރުގަދަ ކޮށްދެއެވެ.
އަސޭމިރުސް: މި ބުއިމަށް ކުޑަ އަސޭމިރުސް ކޮޅެއް އެއްކޮށްލުމުން، ރީނދުލުގައި ހުންނަ ކާކިއުމިން ހަށިގަނޑަށް ދަމައިގަތުމަށް ބޮޑަށް އެހީތެރިވެދެއެވެ.
ފޮނި ރަހަ ލެއްވުމަށް މާމުއި ސަމުސަލެއް ބޭނުން ކުރެވިދާނެ އެވެ.
ރީނދޫ މާ ގިނައިން ބޭނުންކުރުމަކީ ބައެއް ފަހަރު ބަނޑަށް އުނދަގޫވާ ކަމެކެވެ. އަދި ލޭ ތުނިކުރާ ބޭސް ބޭނުންކުރާ ފަރާތްތަކުން ޑޮކްޓަރެއްގެ ލަފާ ހޯދުން މުހިންމެވެ. އެންމެ ރަނގަޅު ނަތީޖާއެއް ފެންނާނީ 2-6 ހަފުތާއާ ދެމެދު ގަވާއިދުން މި ބުއިން ބޭނުންކުރުމުންނެވެ.