ރޭގެ އެކްސިޑެންޓް: 2 މީހަކަށް ފަރުވާ ދިނުމަށްފަހު ދޫކޮށްލައިފި، އެކަކަށް އިމަރޖެންސީގައި ފަރުވާ ދެނީ

ބްރިޖާއި ހުޅުމާލެ ގުޅުވައިދޭ ހަލިމަގުގައި ރޭ ދަންވަރު ހިނގި ނުރައްކާތެރި އެކްސިޑެންޓެއްގައި ހަތަރު މީހަކަށް އަނިޔާވެ، އުޅަނދުތަކަށް ބޮޑެތި ގެއްލުންތަކެއް ވެއްޖެއެވެ. ފުލުހުން މައުލޫމާތު ދީފައިވާ ގޮތުގައި މި ހާދިސާ ހިނގާފައިވަނީ ރޭ ދަންވަރު 12:45 އެހައިކަންހާއިރުއެވެ.

މި ހާދިސާގައި އަނިޔާވި ހަތަރު މީހުންނަކީ ވެސް ދިވެހި ފިރިހެނުންނެވެ. އެ މީހުންނަށް ފަރުވާ ދިނުމަށް އައިޖީއެމްއެޗް އަދި ހުޅުމާލެ ހޮސްޕިޓަލަށް ވަނީ ގެންގޮސްފައެވެ. އޭގެ ތެރެއިން ދެ މީހަކަށް ފަރުވާ ދިނުމަށްފަހު މިހާރު ދޫކޮށްލާފައިވާ އިރު، އަނެއް ދެ މީހުންގެ ހާލު ރަނގަޅުވަމުން އަންނަ ކަމަށް މައުލޫމާތު ލިބެއެވެ.

އައިޖީއެމްއެޗް އިން ބުނި ގޮތުގައި އެކްސިޑެންޓުގައި އަނިޔާވި އެކަކަށް އެ ހޮސްޕިޓަލުގެ އެމަޖެންސީ ރޫމްގައި ދަނީ ފަރުވާ ދެމުންނެވެ. ނަމަވެސް، އަނިޔާވި މީހުންނަށް ލިބިފައިވާ އަނިޔާގެ ތަފްސީލެއް މިހާތަނަށް ސާފެއް ނުވެއެވެ.

މި އެކްސިޑެންޓުގައި ހިމެނޭ ކާރުތަކަށާއި ސައިކަލުތަކަށް އެކި ވަރުގެ ބޮޑެތި ގެއްލުންތަކެއް ވަނީ ލިބިފައެވެ. މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.