އެމްބިއުލާންސަށް ޖާގަ ނުދީ މުދާ ބޭލި ޕިކަޕް ޑްރައިވަރު ޖޫރިމަނާކޮށް ލައިސަންސް ހިފަހައްޓައިފި

މީސްމީޑިއާގައި ދައުރުވަމުންދާ ވީޑިއޯއިން ފެންނަ ގޮތުގައި، ކުޑަ ޕިކަޕަކުން މަގުމައްޗަށް މުދާ ބާލަމުން ދިޔައީ ސައިރަން އަޅުވައިގެން ދިޔަ އެމްބިއުލާންސް ޓްރެފިކްގައި ތާށިވެފައި އޮއްވާއެވެ. އެ ސަރަހައްދުގައި ޓްރެފިކް ބާރުބޮޑުވެފައިވަނީ ވެސް އެ ޕިކަޕުން މުދާ ބޭލި ވަގުތު، އެހެން އުޅަނދުތަކަށް ދެވޭނެ ޖާގަ ނެތުމުގެ ސަބަބުންނެވެ. އެމްބިއުލާންސްގެ ސައިރަންގެ އަޑާއެކު އެ ސަރަހައްދުގައި ތިބި އެހެން އުޅަނދުތަކުން ވެސް ވަނީ ބަރުގޮނު އަޅައި، ޕިކަޕަށް މަގު ދެއްކުމަށް ބާރުއަޅާފައެވެ. ނަމަވެސް ޕިކަޕު އެ ސަރަހައްދުން ގޮސްފައިވަނީ މުދާ ބޭލުމަށް ފަހުގައެވެ.