ހުވަދޫ ބަދިގެ؛ ސާގު ކެރަމަލް ޕުޑިންގ

ބޭނުންވާ ތަކެތި:

• 3 މޭޒުމަތީ ސަމުސާ ހަކުރު (ކެރަމަލް ހެދުމަށް)
• 1 މޭޒުމަތީ ސަމުސާ ފެން
• 1 ޖޯޑު ސާގު
• 2 ޖޯޑު ކިރު (ޕެކެޓް ކިރު)
• 1/4 ޖޯޑު ހަކުރު
• 2 ސައިސަމުސާ އަގަރް އަގަރް ޕައުޑަރު (ޖެލީ ޕައުޑަރ)

ކެރަމަލް ތައްޔާރު ކުރުން:
މަޑު ގިނީގައި ހަކުރާއި ފެން ހޫނުކުރާށެވެ. ހަކުރު ވިރި، ރަން މުށިކުލަ އަރަންދެން ބަހައްޓާށެވެ. އަވަހަށް ތައްޓަކަށް (މޯލްޑަށް) އޮއްސާލުމަށްފަހު ފުލުގައި ހާކާލާށެވެ. އެއަށްފަހު އެއްފަރާތެއްގައި ބަހައްޓާށެވެ.

ސާގު ކައްކާ ގޮތް:
ސާގުކޮޅު ރަނގަޅަށް ދޮވެލާށެވެ. ގިނަ ފެންފޮދެއްގައި ސާގުކޮޅު މަޑުވެ، ދެފުށް ފެންނަވަރު ވަންދެން ކައްކާށެވެ. އެއަށްފަހު ފެންފޮދު ފުރޭނުމަށްފަހު ބަހައްޓާށެވެ.

ޕުޑިންގް ތައްޔާރު ކުރުން:
ތަވައަކަށް ކިރު، ހަކުރު އަދި އަގަރް އަގަރް، ޖެލީ ޕައުޑަރު އެޅުމަށްފަހު ކައްކާށެވެ. ކިރުގަނޑު ކެކިގަތުމުން، ކުރިން ކެއްކި ސާގުކޮޅު އަޅާފައި 2 މިނެޓު ވަންދެން މަޑުގިނީގައި ކައްކާލާށެވެ.

ޕުޑިންގް ސެޓް ކުރުން:
ހޫނުކޮށް ހުރި މިކްސްޗަރު، ކުރިން ތައްޔާރުކުރި ކެރަމަލް މައްޗަށް އޮއްސާލާށެވެ. އެއްކޮށް ހިހޫވަންދެން ބަހައްޓާށެވެ. އެއަށްފަހު ގަނޑުވަންދެން ފްރިޖަށްލާށެވެ. ރަނގަޅަށް ސެޓްވުމުން ތަށިން ނައްޓާލައި، ފިނިކޮށް ސާވްކުރާށެވެ.

އިރުޝާދު:
ކެރަމަލް މާބޮޑަށް ކައްކާލައިފިނަމަ ހިތި ރަހަލާނެއެވެ. ތަށިން ނައްޓާލުމުގެ ކުރިން ޕުޑިންގް އޮންނަންވާނީ އެއްކޮށް ފިނިވެފައެވެ. ގެރި ކިރު، ނުވަތަ ޕެކެޓް ކިރުގެ ބަދަލުގައި ކާށިކިރުވެސް ބޭނުންކުރެވިދާނެއެވެ.