ހުވަދޫ ބަދިގެ: ތިރަމިސޫ ކްރޭޕް ކޭކް ރޯލް

ތިރާމިސޫ ކްރީމް ފިލިންގް/ ބޭނުންވާ ތަކެތި:
* 2 ކުޑަ ބިހުގެ ގޮބޮޅި
* 60 ގްރާމް ހަކުރު
* 200 ގްރާމް މަސްކަޕޯނޭ ޗީޒް (ރޫމް ޓެމްޕަރޭޗަރގައި ހުރި)
* 300 މިލިލީޓަރު ޑަބަލް ކްރީމް
* 11/2 ސައިސަމުސާ ވެނީލާ އެސެންސް
* 1 ސަމުސާ ކޮފީ

މައްޗަށް އެޅުމަށް:
* ކޮކޯ ޕައުޑަރު (ބުރުއްސާލުމަށް)

ތައްޔާރުކުރާނެ ގޮތް:

1. ތަށްޓެއްގައި ބިހުގެ ގޮބޮޅިއާއި ހަކުރު އެއްކުރުމަށްފަހު، އުނދުންމައްޗަށް ފެންކައްކާ ތަވައެއް ބަހައްޓައި ތަވާގެ މަތީގައި ބޯތަށި ބަހައްޓައިގެން. ( ވަރަށް މަޑުގިނީގައި) މެދުނުކެނޑި ގިރުވާށެވެ.

މިކްސްޗަރު އޮލަވެ، ކުލަ ފަނޑުވެ، އަދި ހަކުރު ވިރެންދެން (ގާތްގަނޑަކަށް 4-5 މިނެޓު) ގިރުވާށެވެ. އެއަށްފަހު އުނދުން ނިވައިލާށެވެ.

ހެވީކްރީމް އަދި މަސްކަޕޯނޭ ޗީޒް ރަނގަޅަށް އެއްވެ، އޮލަވަންދެން ގިރުވާށެވެ.

ޗޮކްލެޓް ކްރޭޕްސް/ ބޭނުންވާ ތަކެތި:

* 4 ބިސް
* 1 3/4 ޖޯޑު ފިނި ކިރު
* 1/2 ޖޯޑު ފުށް
* 1 ސަމުސާ ޒުވާރި ފުށް (ކޯންސްޓާޗް)
* 1/4 ޖޯޑު ހަކުރު ނާޅާ ހުންނަ ކޮކޯ ޕައުޑަރު
* 3 ސަމުސާ ހަކުރު
* 1/4 ސައިސަމުސާ ލޮނު
* 1 ސައިސަމުސާ ވެނީލާ އެސެންސް
* 3 ސަމުސާ ލޮނު ހުންނަ ބަޓަރު (ވިރުވާފައިވާ)

ތައްޔާރު ކުރާނެ ގޮތް:

• ބޯތަށްޓެއްގައި ބިސް، ކިރު، ފުށް، ކޯންފްލާ، ކޮކޯ ޕައުޑަރު، ހަކުރު، ލޮނު، ވެނީލާ އަދި ވިރުވާފައިވާ ބަޓަރު އެއްކޮށް އޮމާން ވަންދެން ގިރުވާށެވެ. ގަނޑުތައް ނައްތާލުމަށްޓަކައި ފުރޭންޏަކުން ފުރާނާލާށެވެ.
• ތަތްނުލަވާ ކްރޭޕް ތަވައެއް މަޑުގިނީގައި ހޫނުކުރާށެވެ. ބޭނުންނަމަ ކުޑަކޮށް ތެޔޮ ނުވަތަ ބަޓަރު ހާކާލާށެވެ.
• ތަވައަށް ގާތްގަނޑަކަށް 1/3 ޖޯޑުގެ މިކްސްފުށް އަޅާލުމަށްފަހު، ތަވާ އަނބުރާލައިގެން އެއްވަރަކަށް ފަތުރާލާށެވެ.
• މަތީ ފަރާތް ހިކެންދެން 1-2 މިނެޓު ކައްކާށެވެ. އެއަށްފަހު އަނެއް ފަރާތަށް ފުށުން ޖަހައި، އިތުރު ބައި މިނެޓެއްހާއިރު ހޫނު ކުރާށެވެ.
• ފިހުނު ކްރޭޕް ނަގައި ތަށްޓެއްގައި ބާއްވާށެވެ. ބާކީ ހުރި ފުށްގަނޑުން މިގޮތަށް ހަދާށެވެ.
• ގާތްގަނޑަކަށް 8-10 ކްރޭޕް ލިބޭނެއެވެ.

އެސްޕްރެސޯ ސޯކް އަދި އެސެމްބްލީއަށް ބޭނުންވާ ތަކެތި:

• 1/2 ޖޯޑު ތައްޔާރުކޮށްފައިވާ އެސްޕްރެސޯ ކޮފީ
• 1 ސަމުސާ ކޮކޯ ޕައުޑަރ
• 1 ސަމުސާ ކޮފީ
• 1 ޕެކެޓް މޯނިންގް ކޮފީ ބިސްކޯދު ނުވަތަ ލޭޑީފިންގާސް

އެސްޕްރެސޯ ސޯކް ތައްޔާރުކުރާނެ ގޮތް: ތަށްޓެއްގައި ތަކެތި:

1/2 ޖޯޑު ތައްޔާރުކޮށްފައިވާ އެސްޕްރެސޯ ކޮފީ، 2 ސަމުސާ އިންސްޓަންޓް ކަޅު ކޮފީ، 1/2 ސަމުސާ ވެނީލާ އެކްސްޓްރެކްޓް، 1 ސަމުސާ ކޮކޯ ޕައުޑަރު (ރަހަގަދަ ކުރުމަށް)، ކުޑަ ލޮނުކޮޅެއް، އަދި 3 ސަމުސާ ހަކުރު ނުވަތަ މޭޕަލް ސިރަޕް ނުވަތަ މާމުއި.- ރަނގަޅަށް އެއްކޮށް ގިރާލާށެވެ

ތައްޔާރުކުރާނެ ގޮތް: ތިރާމިސޫ ކްރޭޕް ރޯލް

• ޕާޗްމަންޓް ކަރުދާސްގަނޑެއްގެ މަތީގައި، ދިގަށް ވާނޭހެން، ކްރޭޕްތައް އެކަތި އަނެކައްޗާއި ތަތްވާ ގޮތަށް، އެއް ކްރޭޕްގެ ކުޑަތަންކޮޅެއް މައްޗަށް އަނެއް ކްރޭޕް އަޅަމުން އަތުރާލާށެވެ.
• ތައްޔާރުކުރި ތިރާމިސޫ ކްރީމްގެ ދެބައިކުޅަ އެއްބައި ކްރޭޕްތަކުގެ މަތީގައި އެއްވަރަކަށް ފަތުރާލާށެވެ.
• ބިސްކޯދު ނުވަތަ ލޭޑީފިންގާ ބިސްކޯދުތައް އެސްޕްރެސޯ ސޯކްގެ ތެރެއަށް ކުޑަ ހިނދުކޮޅަކަށް (ދެތިން ސިކުންތު) ގަންބާލުމަށްފަހު، ކްރީމްގެ މަތީގައި އަތުރާލާށެވެ.
• ބާކީ ހުރި ތިރާމިސޫ ކްރީމް ބިސްކޯދުތަކުގެ މަތީގައި ފަތުރާލާށެވެ.
• ޕާޗްމަންޓް ކަރުދާސްގަނޑުގެ އެހީގައި، މުޅި އެތި މަޑުމަޑުން ރޯލްކޮށްލާށެވެ.
• ރޯލްކުރި ބައި ޕާޗްމަންޓް ކަރުދާހުން އަދި އޭގެ ފަހުން ކްލިންގް ފިލްމުން ރަނގަޅަށް އޮޅާލާށެވެ.
• ސެޓްވުމަށްޓަކައި މަދުވެގެން ގަޑިއިރުތަކެއް ވަންދެން ނުވަތަ މުޅި ރޭ ފިނިކުރަން ބަހައްޓާށެވެ.
• ކްލިންގފިލްމާއި ކަރުދާހުން ނެގުމަށްފަހު، ކެއުމަށް ސާވްކުރުމުގެ ކުރިން، މައްޗަށް ކޯކޯ ޕައުޑަރު ބުރުވާލުމަށްފަހު ފޮތިފޮއްޗަށް ކޮށާލާށެވެ.