ގއ ކޮލަމާފުށީ ގައި މިހާރު އޮތް ކައުންސިލުން އެއްވެސް އިޢުލާނަކާ ނުލާ ކުރުވާފައިވާ މަސައްކަތްތަކުގެ ތަފްސީލަށް އެދި ހުށަހަޅައިފި ކަމުގެ މައުލޫމާތު ހުވަދޫ މީޑިއާ އަށް ލިބިއްޖެއެވެ.
ކޮލަމާފުށީގެ އާންމު ފަރާތަކުން މިއަދު އިނފޮމޭޝަން ކޮމިޝަނަށް މައުލޫމާތު ލިބިގަތުމަށް އެދި ހުށަހަޅާފައިވާ ކަންތައް ތަފްސީލު ތަކުގެ ތެރޭގައި ހިމެނެނީ:
- ގއ ކޮލަމާފުށީ އުތުރު ފަރާތުގެ ބީޗްގައި ކައުންސިލްގެ ހަރަދުގައި ކުޑަކުދިންގެ ޕްލޭސެޓެއް ބުޑުއަޅައި އިންސްޓޯލްކުރުމަށް ހަރަދުކޮށްފައިވަނީ ކިހާ މިންވަރެއްތޯ؟ މަސައްކަތް ކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮންބަޔަކާއިތޯ؟ އަދި ކޮންއަގަކަށްތޯ؟ އަދި އިއުލާނެއް ކޮށްފައިވޭތޯ؟ އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް
- – ކޮލަމާފުށީ ރިންގރޯޑްގައި މަގުބައްތި ހަދައި ބުޑުއަޅައި ހަރުކޮށް ވައިރު އަޅަން ކޮނެ ވައިރު އެޅުމަށް ކައުންސިލުން ހަރަދުކޮށްފައިވަނީ ކިހާ މިންވަރެއްތޯ؟ މަސައްކަތްކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮން ކޮންބަޔަކާއިތޯ؟ އަދި ކޮންއަގަކަށްތޯ؟ އަދި މި މަސައްކަތްތައް ކުރުމަށް އިއުލާނެއް ކޮށްފައިވޭތޯ ؟ އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ކައުންސިލް ބައްދަލުވުމެއް ބޭއްވިފައިވޭތޯ؟ ވާނަމަ އެބައްދަލުވުމުގެ ޔައުމިއްޔާ އަދި ބިޑުގެ ތަފްސީލް
- ސްކައި ޖަމިއްޔާއަށް ދީފައިވާ ބިމެއްގައި ކޮލަމާފުށީ މުހައްމަދު ސައީދު ޕާކް ކައުންސިލްގެ ހަރަދުގައި ހަދާފައިވަނީ ޖަމިއްޔާއާއި ކައުންސިލާއި ދެމެދު އެއްބަސްވުމެއް ހެދިފައިވޭތޯ؟ ހަދާފައިވާނަމަ އެއްބަސްވުމުގެ ކޮޕީ އަދި ކައުންސިލުން މިމަސައްކަތަށް ހަރަދުކޮށްފައިވަނީ ކިހާ މިންވަރެއްތޯ؟ މަސައްކަތްކުރުމަށް އިއުލާނެއް ކޮށްފައިވޭތޯ؟ އަދި އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮންބަޔަކާއިތޯ؟ އަދި ކޮންއަގަކަށްތޯ؟ އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް
- ކައުންސިލުން ރަށު ރައްޔިތުންނަށް އެންގުންތައް އެންގުމަށް ބޭނުންކުރާ ތާޅަފިލި ހަރުކުރާ އެންޓަނާ ހަރުކުރުމަށް ބުޑެއް އެޅުމަށް އިއުލާނެއްކުރިތޯ؟ އިއުލާނުކުރި ނަމަ އިއުލާނުކޮށް ހަވާލުކުރީ ކޮން ކުންފުނިއަކާއިތޯ؟ އަދި ކޮންއަގަކަށްތޯ އަދި ކޮން މުއްދަތެއްގެ ތެރޭގައި ނިންމަންތޯ؟ އަދި މިމަސައްކަތްކުރުމަށް ނިންމުމަށް ކައުންސިލް ބައްދަލުވުމެއް ވޭއްވިތޯ؟ ބޭއްވިނަމަ ބައްދަލުވުމުގެ ޔައުމިއްޔާ
- ކައުންސިލްގެ ބިޑް ކޮމޮޓީއެއް އެކުލަވާލާ އެކޮމިޓީ މިނިސްޓްރީ އޮފް ފިނޭންސަށް ހުށައަޅައި ފައިވޭތޯ؟ އަދި ބިޑްކޮމިޓީ އެކުލަވާލަން ކައުންސިލް ބައްދަލުވުމެއް ބާއްވާ ފާސްކުރެ ވިފައިވާނެތޯ؟ ފާސްކުރިނަމަ ފާސްކުރި ބައްދަލުވުމުގެ ޔައްމިއްޔާ އަދި ބިޑްކޮމިޓީގައި ހިމެނޭ މެންބަރުންގެ ތަފްސީލް -ކައުންސިލްގެ ނިންމުންތަކާއި ޔައުމިއްޔާތަކާއި ތަންފީޒު ކުރި ނިންމުންތަކުގެ ތަފްސީލް
- ކޮލަމާފުށީ ބަނދަރު ސަރަހައްދުގައި އިންދާފައިވާ ކަނދުރު ރުއް ގެނައުމަށް ކައުންސިލް ޖަލްސާއެއްބާއްވާ އެކަމަށް ބަޖެޓެއް އެލޮކޭޓްކުރެވުނުތޯ؟ އެ ކައުންސިލް ބައްދަލުވުމުގެ ޔައުމިއްޔާ އަދި މިބައްދަލުވުމާއި ހަވާލާދީ ކުރެވުނު އިއުލާނެއްވޭތޯ ވާނަމަ އިއުލާނާއި އަދި އިއުލާނާއި ގުޅިގެން ހުށެއެޅި ބިޑްތަކުގެ ތަފްސީލް އަދި މި މަސައްކަތް ހަވާލުކުރި ކުންފުންޏާއި ހަވާލުކުރެވުނު އަގުގެ ތަފްސީލް
- ކޮލަމާފުށީ ބަނދަރުމަތީގައި ކައުންސިލްގެ ހަރަދުގައި ހަދަމުންދާ މަރިޔާދުގެއަށް ކައުންސިލުން މިމަސައްކަތަށް ހަރަދުކޮށްފައިވަނީ ކިހާ މިންވަރެއްތޯ؟ މަސައްކަތްކުރުމަށް އެއްވެސް ބަޔަކާއި ހަވާލުކޮށްފައިވާނަމަ ހަވާލުކުރީ ކޮންބަޔަކާއިތޯ؟ އަދި ކޮންއަގަކަށްތޯ؟ އަދި މިމަސައްކަތްކޮށް ބަޖެޓް އެލޮކޭޓް ކުރުމަށް ބޭއްވި ކައުންސިލް ބައްދަލުވުމެއް ބޭއްވިފައިވާނަމަ އެބައްދަލުވުމުެ ޔައުމިއްޔާ އަދި ބިޑުގެ ތަފްސީލް
2021 ވަނަ އަހަރު ފެށިގެން ކޮލަމާފުށި ޔޫތު ރެކްރިއޭޝަން ސެންޓަރުގެ ބަޖެޓް ބޭނުންކޮށްފައިވަނީ ކޮންގޮތަކަށްތޯ؟ އަދި ހަރަދު ކޮށްފައި ވަނީ އަހަރަކަށް ކިހާވަރެއްތޯ؟ އަދި ކޮންކަމަކަށްތޯ؟ - މިހިނގަމުންދާ ދައުރު ފެށިގެން ކޮލަމާފުށި މަގުބައްތިތައް ބަލަހައްޓަން ހަވާލު ކުރުމަށް އިއުލާނެއް ކޮށްފައިވޭތޯ؟ ހަވާލު ކޮށްފައި ވަނީ ކޮން ކުންފުނިތަކާތޯ؟ އަދި ކޮން އަގަކަށްތޯ؟ އަދި ކައުންސިލުން ފާސްކޮށްފައިވޭތޯ؟ އަދި ފާސްކޮށްފައިވާނަމަ ފާސްކުރި ބައްދަލުވުމުގެ ޔައުމިއްޔާގެ ކޮޕީ އަދި ބިޑުގެ ތަފްސީލް
- 2021 ވަނަ އަހަރު ފެށިގެން ކޮލަމާފުށި އިޖްތިމާއީ ސަރަހައްދު ކުނިކަހާ ސާފުކުރުމަށް ހަވާލުކުރުމަށް އިއުލާނެއް ކޮށްފައިވޭތޯ؟ އަދި ހަވާލުކޮށްފައިވަނީ ކޮން ކުންފުނިތަކާއިތޯ؟ އަދި ކޮން އަގަކަށްތޯ؟ އަދި ކައުންސިލުން ފާސްކޮށްފައިވޭތޯ؟ އަދި ފާސްކޮށްފައިވާނަމަ ފާސްކުރި ބައްދަލުވުމުގެ ޔައުމިއްޔާގެ ކޮޕީ އަދި ބިޑުގެ ތަފްސީލް
މިމައުލޫމާތުތަކަށް އެދި ހުށަހަޅާފައި ވަނީ ކައުންސިލުން އިޢުލާނު ކުރުމަކާ ނުލައި ކޮށްފައިވާ މަސައްކަތްތަކެއް ކަމަށް ތުހުމަތު ކުރެވޭތީ، އެކަންކަމުގެ ދެފުށް ފެންނަ މަޢުލޫމާތު ހޯދުމަށެވެ.