ޞިއްޙީ ދާއިރާ އިތުރަށް ހަރުދަނާކުރުމަށް ސަރުކާރުން ކުރަމުންދާ މަސައްކަތްތަކުގެ ތެރޭގައި، ދާއިރާ ޑިޖިޓަލައިޒް ކުރުމާއި، މައުލޫމާތު ފޯރުކޮށްދޭ ނިޒާމުތައް ލާމެހިގެންދާނެ ގޮތް ހެދުން ހިމެނެއެވެ. މީގެ އިތުރުން ދުޅަހެޔޮ އާދަތަކަށް ބާރުއެޅުމާއި، ބަލިތައް އަވަހަށް ދެނެގަނެ ފައިދާހުރި ފަރުވާ ކަށަވަރުކުރުމަށް މަސައްކަތް ކުރަމުންދާ ކަމަށް ރައީސް ވިދާޅުވިއެވެ.

ދުނިޔޭގެ ޞިއްޙަތު ދުވަހަކީ ކޮންމެ އަހަރެއްގެ އެޕްރީލް 7 ވަނަ ދުވަހު ފާހަގަކުރާ ދުވަހެކެވެ. މިއީ 1948 ވަނަ އަހަރު ދުނިޔޭގެ ޞިއްޙަތު ޖަމްޢިއްޔާ (WHO) އުފެދުނު ދުވަހާ ގުޅުވައިގެން، ޞިއްޙީ ގޮންޖެހުންތަކަށް ހޭލުންތެރިކަން އިތުރުކުރުމަށް ފާހަގަކުރާ ބައިނަލްއަގުވާމީ ދުވަހެކެވެ.