ބީއެމްއެލް ސައުތު ރީޖަނަލް ލީގް ކުއެލިފަޔަރސް 2025/26 – ޒޯން 02 ގެ ފުރަތަމަ މެޗުގައި ގައްދޫ އަދި ފޭދޫ ބައްދަލުކުރި މެޗު 2-2 ގެ ނަތީޖާއަކުން ދެ ޓީމު އެއްވަރުވެގެން ނިމިއްޖެއެވެ.
ގދ.ގައްދޫގައި ކުރިޔަށްދާ މި މުބާރާތަކީ ބީއެމްއެލް އެޓޯލްސް މުބާރާތްތަކުގެ ތެރެއިން ދެކުނުގައި ބޭއްވި މުބާރާތްތަކުގެ ޗެމްޕިއަނުންގެ މެދުގައި ބާއްވާ މުބާރާތެކެވެ.
މެޗުގެ ފުރަތަމަ ގޯލް މެޗުގެ 10 ވަނަ މިނިޓުގައި ފޭދޫ ޓީމުން އަބްދުއް ސަލާމް ޖަހާފައި ވަނިކޮށް މެޗު ނިމެން މިނިޓެއް އޮއްވާ ގައްދޫ ޓިމުން ގޯލެއްޖަހާ ނަތީއްޖާ ވަނީ އެއްވަރު ކޮށްފައެވެ. މިގޯލް އެޓީމަށް ކާމިޔާބު ކޮށްދީފައިވަނީ މެޗުގެ މޮޅު ކުޅުންތެރިޔާގެ މަގާމް ހޯދި އަހުމަދު ރިފްޝާން އެވެ.
މިއަދު ކުޅެވުނު މެޗުގެ ތެރެއިން. ފޮޓޯ ދޮންކޮޅު
ދެވަނަ ހާފުގައި ދެޓީމުން ވެސް ވަނީ ރަގަނޅު ކުޅުމެއްވަނީ ދައްކާފައެވެ. ނަމަވެސް މެޗުގެ 62 ވަނަ މިނިޓުގައި ފޭދޫ ޓީމުން ވަނީ އެޓީމުގެ ދެވަނަ ގޯލް ޖަހާ މެޗުގެ ނަތީއްޖާ 2-1 އަށް ބަދަލު ކޮށްފައެވެ. މި ގޯލް އެޓީމަށް ޖަހައިދިނީ މުހައްމަދުއެވެ. ނަމަވެސް ގައްދޫ ޓީމުން އެޓީމުގެ ކުޅުން އިތުރަށް ރަނގަޅު ކޮށް މެޗު ނިމެން ދެ މިނިޓު އޮއްވާ ބަދަލު ކުޅުންތެރިޔަކަށް ކުޅެން ނިކުތް އިސްހާގް ރަޝީދު ވަނީ ގޯލެއް ޖަހައި މެޗުގެ ނަތިއްޖާ އެއްވަރުކޮށް މެޗު ނިންމާލާފައެވެ.
މި މުބާރާތުގައި ދެން ގައްދޫ ބައްދަލުކުރާނީ 23 އެޕްރީލް ވަނަދުވަހު ހޯޑެއްދޫ ޓީމާއި އަދި ފޭދޫ ގެ ދެވަނަ މެޗު އޮންނާނީ 26 އެޕްރީލްގައި ހޯޑެއްދޫ ޓީމާއި ދެކޮޅަށެވެ. މި ދެމެޗުވެސް ކުޅޭނީ ގދ. ގައްދޫގައެވެ.
މި މެޗުގެ މޮޅު ކުޅުންތެރިޔާ އަކަށް ހޮވޮފައިވަނީ މެޗުގައި މޮޅު ކުޅުމެއް ދެއްކި ގައްދޫ ޓީމުގެ ޖާރޒީ ނަންބަރު 10 އަހުމަދު ރިފްޝާން އެވެ.
މި މުބާރާތުގެ މެޗުތައް އިވެންޓްކާސްޓް އިން ދަނީ ލައިވްކުރަމުންނެވެ.