ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ)ގެ ދަނާލުގައި ދިރިއުޅެމުން ދިޔަ އަންހެން ކުއްޖަކު މަރުވެފައިވާ ކަމަށް ފުލުހުން ހާމަކޮށްފިއެވެ. މި ހާދިސާ ހިނގާފައިވަނީ ރޭ ދަންވަރުގެ ވަގުތެއްގައެވެ.
ފުލުހުން މައުލޫމާތު ދީފައިވާ ގޮތުގައި، މާލޭގައި ހުންނަ ކުދިން ބައިތިއްބާ އެކޮމޮޑޭޝަނެއްގައި 18 އަހަރުގެ ޒުވާނަކު ނިޔާވެފައިވާ މައްސަލައެއް ފުލުހުންނަށް ވަނީ ހުށަހަޅާފައެވެ. މި ހާދިސާއާ ގުޅިގެން ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
މި ހާދިސާގައި ނިޔާވެފައިވަނީ ރާއްޖޭގެ ދެކުނުގެ ރަށަކަށް ނިސްބަތްވާ ޒުވާން އަންހެން ކުއްޖެކެވެ. މަޢުލޫމާތު ލިބިފައިވާ ގޮތުގައި އެ ކުއްޖާއަކީ ނަފުސާނީ ގޮތުންނާއި ޑިޕްރެޝަން ފަދަ ކަންކަން ތަހައްމަލު ކުރަމުންދިޔަ ކުއްޖެކެވެ.
ފުލުހުން އިތުރަށް ވިދާޅުވީ، މި މައްސަލަ މިހާރު އިތުރަށް ތަހުގީގު ކުރަމުންދާ ކަމަށެވެ. އެހެންކަމުން، ތަހުގީގު ކުރިއަށްދާތީ މި ވަގުތު މައްސަލައިގެ އިތުރު ތަފްސީލެއް ދެވެން ނެތް ކަމަށްވެސް ފުލުހުން ވަނީ ބުނެފައެވެ.