ދ . މީދޫއަށް ދިގު މުއްދަތަކަށް އަގުހުރި ޚިދުމަތްތަކެއް ކޮށްދެއްވި އެރަށު ސާޔާ، ސިއްދީގު އަލީ (68އ) މިއަދުގެ ވަގުތެއްގައި ނިޔާވެއްޖެއެވެ. އޭނާ ނިޔާވީ އާލާސްކަންފުޅާ އުޅުއްވާތާ ދުވަސްތަކެއް ވުމަށްފަހުގައެވެ.
ސިއްދީގު އަލީއަކީ މީދޫގެ ތަރައްޤީއަށާއި އިޖުތިމާޢީ ދާއިރާއަށް ނުހަނު ބޮޑެތި ޚިދުމަތްތަކެއް ކުރެއްވި ބޭފުޅެކެވެ. ސަރުކާރުގެ ޚިދުމަތުގައި 31 އަހަރު ހޭދަކުރެއްވި އިރު، އޭނާ ވަނީ މީދޫގެ ކުޑަކަތީބުކަމާއި، ކަތީބުކަމުގެ މަގާމު ފުރުއްވާފައެވެ. އަދި ލާމަރުކަޒީ ނިޒާމަށް ބަދަލުވުމަށްފަހު، މީދޫ ކައުންސިލްގެ ޒިންމާދާރުވެރިޔާގެ މަގާމުވެސް ދިގު މުއްދަތަކަށް ފުރުއްވިއެވެ.
ތަޢުލީމީ ދާއިރާއިން ސިއްދީގަކީ 1980ގެ އަހަރުތަކުގެ ތެރޭގައި ދ. އަތޮޅު މަދަރުސާގައި ކިޔަވައިދެއްވި މުދައްރިސެކެވެ. މީގެ އިތުރުން، އޭނާއަކީ އަތޮޅުގެ ކަންކަމުގައި ވެސް ބަސްވިދާޅުވި، އަތޮޅު ކޮމެޓީގެ މެންބަރުކަން ވެސް ކުރައްވާފައިވާ ބޭފުޅެކެވެ. އޭނާއަކީ ރަށުގެ އިސްވެރިއެއްގެ ގޮތުންނާއި، ހެޔޮލަފާ ނަމޫނާ ޝަޚުޞިއްޔަތެއްގެ ގޮތުގައި ފާހަގަކުރެވުނު ބޭފުޅެކެވެ.
ސިއްދީގު އަލީ ނިޔާވުމަކީ މީދޫގެ ރައްޔިތުންނަށް ލިބުނު ވަރަށް ބޮޑު ހިތާމައެއްގެ ގޮތުގައި އެ ރަށުގެ އިސް ބޭފުޅުންނާއި ރައްޔިތުން ސިފަކުރެއެވެ. އޭނާގެ ކަށުނަމާދު އޮންނާނީ މިރޭ އިޝާ ނަމާދަށްފަހު އާސަހަރާ މިސްކިތުގައެވެ.