ރާއްޖޭގައި ސިއްހީ ދާއިރާއިން ޕީއެޗްޑީ ނަގާ އެމްބީބީއެސް ފުރިހަމަ ކުރާ ދަރިވަރުންގެ މެޑިކަލް ޑިގްރީ، އިނގިރޭސިވިލާތުން ބަލައިގަންނަން ފަށައިފިއެވެ.
މައުލޫމާތު ލިބިފައިވާ ގޮތުގައި، ޤައުމީ ޔުނިވަރސިޓީގެ ސްކޫލް އޮފް މެޑިސިންއިން އެމްބީބީއެސް ފުރިހަމަކުރުމުން ދޭ މެޑިކަލް ޑިގްރީ އިނގިރޭސިވިލާތުގެ ޖެނެރަލް މެޑިކަލް ކައުންސިލުން ވަނީ ބަލައިގަންނަން ފަށާފައެވެ. އެއާއެކު ޤައުމީ ޔުނިވަރސިޓީން ޑޮކްޓަރުކަން ކިޔަވާފައިވާ ދަރިވަރުން އިނގިރޭސިވިލާތުގައި މަސައްކަތްކުރުމުގެ ކުރިން ހަދަން ޖެހޭ އިމްތިހާނުގައި ބައިވެރިވުމުގެ ފުރުސަތު ފަހިވެގެން ދާނެއެވެ.
މީގެ ކުރިން އިނގިރޭސިވިލާތުގެ މެޑިކަލް ލައިސެންސް އިމްތިޚާނު (ޕްލެބް) ހެދުމަށް ދިވެހިރާއްޖެއިން ކިޔަވާ ދަރިވަރަކު އެދުމުން، އެކައުންސިލުން ޢަމަލުކުރަމުން އައީ ކޮންމެ ދަރިވަރެއްގެ ހުށަހެޅުން ވަކިވަކިން ވަޒަން ކުރާ އުސޫލަށެވެ.
މެލޭޝިއާގެ ޤައުމީ ޔުނިވާސިޓީގެ މަންހަޖަކަށް ރާއްޖެއާއި ގުޅޭ ބައެއް ބަދަލުތައް ގެނެސް އެމްއެންޔޫ ސްކޫލް އޮފް މެޑިސިންއިން ކިޔަވައި ދެމުން އަންނައިރު، އިނގިރޭސިވިލާތުގެ ޖެނެރަލް މެޑިކަލް ކައުންސިލަށް ދިވެހިރާއްޖޭގެ މެޑިސިން ކޯހާއި ގުޅޭ މައުލޫމާތު ހިއްސާކޮށް އެކަމަށް އެދި ރައްޖެއިން ހުށަހެޅި ފޯމާއެކު އެކައުންސިލުން ވަނީ ކޯސް ވަޒަން ކުރުމަށް ފަހު އެފަރާތްތަކުން މިނގަނޑަށް ފެތޭ ކަމަށް ކަނޑައަޅާފައެވެ.
ޔޫކޭއިން ރާއްޖޭގެ އެމްބީބީއެސް ސެޓްފިކެޓް ބަލައިގަންނަނަން ނިންމު ނިމުންމަކީ ލިބިގެންދިޔަ ވަރަށް ބޮޑު ކުރިއެރުމެއްގެ ގޮތުގައިއެމްއެންޔޫ ސްކޫލް އޮފް މެޑިސިންގެ ޑީން ޑރ. ޝީޒާ ޢަލީ ފާހަގަކުރައްވާފައިވެއެވެ. އެކަމަނާ ވިދާޅުވި ގޮތުގައި، މިއީ ރާއްޖެއިން ކިޔަވާ ދަރިވަރުންނަށް ބޭރު ޤައުމުތަކުގައި ތަޖުރިބާ ހޯދުމަށް ލިބިގެންދިޔަ މުހިންމު އަދި ފާހަގަކޮށްލެވޭފަދަ ކުރިއެރުމެކެވެ. އަދި ކުރިއަށްއޮތްތަނުގައި އެހެން ޤައުމުތަކުންވެސް ރާއްޖޭ މެޑިސިން ޑިގްރީ ބަލައިގަންނަކަން ކަށަވަރުކުރުމަށް މަސައްކަތްކުރައްވާނެކަމަށް ވެސް ޑރ. ޝީޒާ ވިދާޅުވިއެވެ.
ޤައުމީ ޔުނިވަރސިޓީގެ ސްކޫލް އޮފް މެޑިސިން ވުޖޫދުވި ފަހުން އެ ތަނުނުގެ ފެންވަރު މަތިކުރުމަށް މެދުކެނޑުމެއް ނެތި ސަރުކާރުތަކުން އެކި މަސައްކަތް ކުރަމުން ގޮސްފައިވާއިރު، ރައީސް މުހައްމަދު މުއިއްޒުގެ ސަރުކާރުން ގެންދަވަނީ، އެކަމަށް ނުހަނު ބޮޑު ސަމާލުކަމެއްދީ ދަރިވަރުންނަށް ބޭނުންވާނެ ކަންކަމަށް މަޑުޖެހުމެއް ނައިސް ކިޔެވުމަށް މަގު ފަހިކޮށްދެވނެ ހުރިހާ ކަމެއް ރާވާ ހިންގަވަމުންނެވެ.
2019ވަނަ އަހަރުން ފެށިގެން އެމްއެންޔޫ ސްކޫލް އޮފް މެޑިސިންގައި ކިޔަވައި ދެމުން އަންނައިރު މިހާތަނަށް 4 ބެޗެއްގެ ދަރިވަރުން ވަނީ ދަސްވެނިވެފައެވެ.