2030 ވަނަ އަހަރުގެ ކުރިން، ރާއްޖޭގެ އުފެއްދުންތެރިކަމުގެ 15 އިންސައްތަ ޑިޖިޓަލް ކޮންޓްރިބިއުޝަނަށް ހެދުމަކީ ސަރުކާރުގެ އަމާޒު ކަމަށް ހާމަކުރައްވައިފިއެވެ.
މިކަން ހާމަކުރައްވާފައިވަނީ، އަންފާރަ ދުވަހު ރާއްޖެއަށް ޕޭޕަލް ތައާރަފުކުރުމާ ގުޅޭ ގޮތުން މައުލޫމާތުދިނުމަށް ދައުލަތުގެ މީޑިއާ ޕީއެސްއެމުން ގެނެސްދިން ޕްރޮގްރާމެއްގައި ވާހަކަ ދައްކަވަމުން އިކޮނޮމިކު މިނިސްޓަރު މުހައްމަދު ސައީދެވެ.
ސައީދު ވިދާޅުވީ، ފަތުރުވެރިކަމަކީ ރާއްޖެއަށް އާމްދަނީ ލިބޭ، އަދި ރާއްޖޭގެ އިގުތިޞާދު އެއަށް ބަރޯސާވާ މައި ސިނާއަތްކަން ފާހަގަކުރައްވައިފައެވެ. އަދި ފަތުރުވެރިކަން އަންނަނީ ކުރިއަށް ވުރެ ފުޅާވަމުން ކަމަށް ސަޢީދު ވިދާޅުވިއެވެ. އެގޮތުން ބޯޑާލެސްކޮށް ރާއްޖޭގެ އިކޮނޮމީ އިތުރު ހަރުފަތަކަށް ގެންދާ ކަމުގައި ވަނީނަމަ ހަމައެކަނި ޓޫރިޒަމަށް އިގްތިސޯދު ޑިޕެންޑްކޮށްގެން ތިބެވެން ނެތް ކަމަށް އޭނާ ވިދާޅުވިއެވެ.
ސަޢީދު ވިދާޅުވީ، ރާއްޖޭގެ އިގުތިސޯދު ސިންދަފާތުކުރުމަށްޓަކައި ސަރުކާރުން ކުރާ މަސައްކަތުގެ ތެރެއިން މިހާރު ކުރަމުން އަންނަ އެއް މަސައްކަތަކީ 2030ވަނަ އަހަރުގެ ކުރިން، ރާއްޖޭގެ އުފެއްދުންތެރިކަމުގެ 15 އިންސައްތަ ޑިޖިޓަލް ކޮންޓްރިބިއުޝަނަށް ހެދުން ކަމަށެވެ.
ހަމައެއާއެކު، ޕޭޕަލްގެ އިތުރުން، ޒުވާނުންނަށް އިތުރު ވަސީލަތްތައް ލޯންޗުކޮށް، ސަރުކާރަށް ތިން އަހަރުވުމުގެ ކުރިން ޒަމާނީ ކްރިއޭޓަރު ހަބެއް ގާއިމްކުރައްވާނެ ކަމަށް، ސަޢީދު ވިދާޅުވިއެވެ.