ފީފާ ވޯލްޑް ކަޕްގެ ގަދަ 32 ގެ ބުރުގައި އައިވަރީ ކޯސްޓް އާ ދެކޮޅަށް ކުޅުނު ފޯރިގަދަ މެޗުގައި، ނޯވޭގެ ތަރި އާލިން ހާލަންޑް ލަނޑު ޖަހައި، އޭނާގެ އާދަޔާ ހިލާފު ލަނޑުޖެހުމުގެ ސިލްސިލާ 13 މެޗަށް އިތުރުކޮށްފިއެވެ.
މި ލަނޑާއެކު ރަސްމީ މެޗުތަކުގައި ވިދިވިދިގެން 13 މެޗުގައި ހާލަންޑް ވަނީ ލަނޑު ޖަހާފައެވެ. މި ފާހަގަކޮށްލެވޭ މުއްދަތުގެ ތެރޭގައި އޭނާ ވަނީ ޖުމްލަ 25 ލަނޑު ކާމިޔާބުކޮށްފައެވެ. މިއީ ނޯވޭގެ ގައުމީ ޓީމަށް އޭނާ ކާމިޔާބުކޮށްދިން 60 ވަނަ ލަނޑެވެ. ހާލަންޑް މި މުހިންމު ލަނޑޑަނޑިއަށް ވާސިލްވީ އެންމެ 53 މެޗުންނެވެ.
ހާލަންޑްގެ މި ތާރީޚީ ލަނޑުޖެހުމުގެ ސިލްސިލާ ފެށިގެން އައީ ޔޫއެފާ ނޭޝަންސް ލީގާއި ވޯލްޑް ކަޕް ކޮލިފައިންގެ ތެރެއިންނެވެ. އޭނާ ލަނޑު ޖެހި މެޗުތަކަށް ބަލާއިރު:
ޔޫއެފާ ނޭޝަންސް ލީގުގައި ސްލޮވީނިއާ ކޮޅަށް 1 ލަނޑު.
ޔޫއެފާ ނޭޝަންސް ލީގުގައި ކަޒަކިސްތާން ކޮޅަށް ހެޓްރިކެއް (3 ލަނޑު).
ވޯލްޑް ކަޕް ކޮލިފައިންގައި މޮލްޑޯވާ ކޮޅަށް 1 ލަނޑު.
ވޯލްޑް ކަޕް ކޮލިފައިންގައި އިޒްރޭލު ކޮޅަށް 1 ލަނޑު.
ވޯލްޑް ކަޕް ކޮލިފައިންގައި އިޓަލީ ކޮޅަށް 1 ލަނޑު.
ވޯލްޑް ކަޕް ކޮލިފައިންގައި އެސްޓޯނިއާ ކޮޅަށް 1 ލަނޑު.
ވޯލްޑް ކަޕް ކޮލިފައިންގައި މޮލްޑޯވާ ކޮޅަށް 5 ލަނޑު.
ވޯލްޑް ކަޕް ކޮލިފައިންގައި އިޒްރޭލު ކޮޅަށް 3 ލަނޑު.
ވޯލްޑް ކަޕް ކޮލިފައިންގައި އެސްޓޯނިއާ ކޮޅަށް 2 ލަނޑު.
ވޯލްޑް ކަޕް ކޮލިފައިންގައި އިޓަލީ ކޮޅަށް 2 ލަނޑު.
ވޯލްޑް ކަޕްގައި ޢިރާގު ކޮޅަށް 2 ލަނޑު.
ވޯލްޑް ކަޕްގައި ސެނެގާލް ކޮޅަށް 2 ލަނޑު.
ވޯލްޑް ކަޕްގައި ކޯޓް ޑިވުއާ ކޮޅަށް 1 ލަނޑު.
ހާލަންޑް ދައްކަމުންދާ މި ބާރުގަދަ ކުޅުމުގެ ސަބަބުން އޭނާ ވަނީ ދުނިޔޭގެ އެންމެ ނުރައްކާތެރި ފޯވާޑްގެ ގޮތުގައި އޭނާގެ މަގާމު އިތުރަށް ވަރުގަދަކޮށްފައެވެ. ނޯވޭގެ ގައުމީ ޓީމާއެކު ހާލަންޑް ހޯދަމުންދާ މި ކާމިޔާބީއަކީ ފުޓްބޯޅައިގެ ތާރީޚުގައިވެސް މަދުން ނޫނީ ނުފެންނަ ފަދަ އާދަޔާ ހިލާފު ކަމެކެވެ.