މޯލްޑިވިއަންގެ ހީވާގި މުވައްޒަފެއްގެ ގޮތުގައި މަސައްކަތް ކުރަމުންދިޔަ ޒިއާމް އަބްދުލް ހާދީގެ އުޖާލާ ދިރިއުޅުމަށް ކުއްލި އަނދިރިކަމެއް ވެރިވީ މީގެ ފަސް އަހަރު ކުރިން ޖެހުނު ސްޓްރޯކަކާ ގުޅިގެންނެވެ. 2021 އޮގަސްޓް 27 ވަނަ ދުވަހު ޑިއުޓީއަށް ދާން ތައްޔާރުވަމުން ދަނިކޮށް ދިމާވި މި ހާދިސާއާއެކު، ތިން ކުދިންގެ ބައްޕައެއްގެ ޒިންމާ އުފުލަމުންދިޔަ ޒުވާނާ މިއަދު މިވަނީ އެހެން މީހުންގެ އެހީތެރިކަމަށް އިންތިހާއަށް ބޭނުންވެފައެވެ.
ސްޓްރޯކް ޖެހުމާ ގުޅިގެން އޭޑީކޭ ހޮސްޕިޓަލުގެ އައިސީޔޫގައާއި ވޯޑުގައި ދެ މަސް ދުވަހު ފަރުވާ ހޯދުމަށްފަހު، ޒިއާމް ވަނީ އިންޑިއާގެ އަމްރިތާ ހޮސްޕިޓަލުން ހަތަރު މަސް ދުވަހު ފަރުވާ ހޯދާފައެވެ. ރާއްޖެ އައިސް ދިވެހި ބޭސްވެސް ކޮށްފައިވާއިރު، މިހާރު އޭނާގެ ހުރިހާ ކަމެއް ބަލަހައްޓަނީ އުމުރުން ދުވަސްވީ ބަލި މަންމައެވެ.
އާސަންދަ ދީފައިމެ ފަހުން އާސަންދަ ނުލިބޭނެ ކަމަށް ބުނެ ޖަވާބު ދިން ފަހުން އަނެއްކާވެސް ޒިއާމް ޑޮކްޓަރަށް ދައްކައި އެތައް އާދޭހެއް ކޮށް އެތައް މަސައްކަތެއް ކުރި ފަހުން މިހާރު އަނެއްކާވެސް އާސަންދަލިޔެދީ، އާސަންދައިގެ އެހީގައި ރާއްޖެއިން ބޭރުން ފަރުވާ ލިބެން ޖެހޭ ކަމަށް ބުނެފަައިވީ ނަމަވެސް އާސަންދައަށް އެދި ހުށަހެޅުމުން ޖަވާބަކަށް ލިބުނީ ރާއްޖެއިން ފަރުވާ ލިބެން ހުރި ކަމަކަށް ރާއްޖެއިން ބޭރަށް ދިއުމަށް އާސަންދަ ނުދެވޭނެ ކަމަށެވެ. ސަރުކާރުން ދާދި ފަހުން ވަނީ ރާއްޖެއިން ކުރެވެން ހުރި ފަރުވާއެއްވިޔަސް ބަލިމީހާ އެފަރުވާއާމެދު ޔަގީންކަން ނުވާ ހާލަތެއްގައި އާސަންދަ ދޭނެ ކަމަށް ބުނެފައެވެ. އަދި ހަމަ އެހެންމެ އަތޮޅުތަކުން ބޭސްފަރުވާއަށް މާލެ އައިސް ގިނަ ދުވަހު ބޮޑު އަގުގައި ކުލި ދައްކަންޖެހޭތީ، އެކަމަށްވެސް އެންސްޕާގެ އެހީ ލިބޭނެ ކަމަށް ބުނެފަައެވެ. އެހެންނަމަވެސް ޒިއާމްއަށް މިދެކަމުން އެއްވެސް ކަމެއްގައި އާސަންދަ އަދި އެންސްޕާގެ އެހީވެސް މިވަނީ ނުލިބިފައެވެ. އަހަަރަކަށްވުރެ ގިނަ ދުވަސްވަންދެން އާސަންދައާއި އެންސްޕާއަށް އާދޭސްކުރުމާއި ފޯމު ހުށަހެޅުންނޫން ކަމެއް ޒިއާމް ނުކުރެއެވެ. ޒިއާމް ކިޔައިދިން ގޮތުގައި އޭނާއަށް އާސަންދަ އެންސްޕާއަށް ފޯމު ހުށަހެޅުނު އަދަދެއްވެސް ނޭނގެއެވެ. ކޮންމެ ދެމަހުން އެއްމަހު، ތިން މަހުން އެއްމަހު ފޯމު ހުށަހަޅައެވެ. ޖަވާބަކަށް ބަދަަލެއް ނާދެއެވެ. އެންމެފަހުން ޒިއާމް މިހާރު ގަސްދުކުރަނީ އަމިއްލައަށް އެއްލާރި ދެލާރިއަށް ހަދައިގެންވެސް ކިތަންމެ ދަތި ހާލުގައި ވިޔައް އަމިއްލަ ހަރަދުގައި ރާއްޖެއިން ބޭރަށް ގޮސް ފަރުވާ ހޯދުމަށެވެ.
ޑޮކްޓަރުން ރިފަރ ކުރުމުން އާސަންދައިން ޑޮކްޓަރަށްވުރެ މަތިން ދޭ ޖަވާބާމެދު ޒިއާމް ކަންބޮޑުވަނީ އެހެން ވާންވީ ކީއްވެގެންކަން ނޭނގޭތީއެވެ، ޔަގީނުންވެސް އާސަންދައަށް އެދި ހުށަހަޅާ ލިޔުން ދެއްވާ ޑޮކްޓަރަށް ރާއްޖެއިން އެ ފަރުވާއެއް ލިބެން ފެށިކަން އެނގިލައްވާނެތާއެވެ. ވީއިރު ޑޮކްޓަރ ލިޔުން ދެއްވާނީ ކޮންމެވެސް ރަނގަޅު އެކަށީގެންވާ ސަބަބުތަކެއް އޮތީމަކަމަށް ވާއިރު އާސަންދައިން ރިޖެކްޓް ކުރާތީ ވަރަށް ދެރަވާ ކަމަށް ޒިއާމް ބުންޏެވެ.
"އަޅުގަނޑުމެންނަކީ ނިކަމެތިން، އެކަނި ދުނިޔެއާ ދިރިއުޅުމާ ކުރިމަތިލައިގެން ކޮންމެ ދުވަހަކީވެސް އާ ގޮންޖެހުންތަކާ ކުރިމަތިލާންޖެހޭ ދުވަހެއްކަން ގަބޫލުކޮށްގެން ދިރިއުޅުމުގެ އަޑިގުޑަންތަކާ ކުރިމަތިލާ މީހުން، އަޅުގަނޑުމެން ކަހަލަ މީހުންނަށް އެހީ ނުލިބޭ، އެކަމަކު ކުދިކުދި އާދައިގެ ކަންތަކުގައިވެސް ރާއްޖެއިން ބޭރަށް ދާން އާސަންދަ ލިބޭ މީހުންވެސް ތިބޭ. އަޅުގަނޑު މިއެދެނީ ރާއްޖެއިން ލިބެން ހުރި ފަރުވާއެއް ކަމަކު އެފަރުވާ އެންމެ އެކަށޭނަ ގޮތެއްގައި ނުލިބޭކަން އެނގޭތީ، މިހާރު އާސަންދައިގެ އެފޯމު މިފޯމު، ފޯމު ލުމަށްފަހު ދެހަފުތާ ފަހުން ގުޅާލުމުން ފޯމު ނެތްކަމަށް ބުނެ އަލުން ފޯމުލާން ބުނުމުން އަނެއްކާ އަނެއް ފޯމު ހުށަހަޅައި، އަނެއްފަހަރު ރިޖެކްޓް ކުރުމުން އަނެއްކާ މަހުގެ ބާކީ އޮތް ދުވަސްތައް ދަނީ ބޭކާރުވެގެން، މިހާރު ފަރުވާއަށް ދިއުމަށް ފުރަތަމަ އާސަންދަ ލިޔުން ލިބުނު ފަހުން މިހާރު އިތުރު 7 މަސްވެގެން މިދިޔައީ، 6 މަސްދުވަހުގެ ޓްރީޓްމަންޓް ނުލިބި މިނުކުޅެދުންތެރިކަމުގައި އަނެއްކާ ބޭކާރުވެގެން މިިދިޔައީ އިތުރު ދުވަސްތަކެއް،،".
ޒިއާމްގެ ހާލަތު ރަނގަޅު ކުރުމަށްޓަކައި އިތުރު 6 މަސް ދުވަހުގެ ތެރަޕީއާއި ފަރުވާ އިންޑިއާގައި ހޯދުމަށް ޑޮކްޓަރުން މިހާރު ވަނީ ލަފާދެއްވާފައެވެ.
"އިންޑިއާގައި 6 މަސް ދުވަހު މަޑުކޮށްގެން ފަރުވާ ހޯދުމަށް ބޭނުންވާ ހުރުމާއި، ކެއުމާއި، ދަތުރުފަތުރުގެ އިތުރުން އެހީތެރިޔާގެ ޚަރަދުތައް ހަމަޖައްސާނެ އެއްވެސް ގޮތެއް ޒިއާމްގެ އާއިލާއަކަށް ނެތެވެ. "އާސަންދަ ލިބުނުނަމަވެސް އެއިން އެހީދެނީ ހަމައެކަނި ބޭހަށް. ބާކީ ކަންކަން ހަމަޖައްސާނެ ގޮތެއް ނެތް މީހެއްނަމަ އެދެނީ އާންމުންގެ އެހީއަށް،" އާއިލާއިން ބުނެފައިވެއެވެ.
ޒިއާމްގެ އާދޭހަކީ އޭނާގެ މި ބަލި ހާލަތުން އަރައިގަނެ، ދަރިންނަށްޓަކައި އަލުން ދިރިއުޅުން އާރާސްތު ކުރުމުގެ ފުރުސަތެއް ލިބުމެވެ. ދީލަތި އެހީތެރިންގެ އެހީއާއެކު ޒިއާމަށް މި ފަރުވާ ލިބިއްޖެނަމަ، އެއީ އެ އާއިލާއަށް ލިބޭނެ އާ ދިިރިއުޅުމެކެވެ.
ޒިއާމްގެ ފަރުވާއަށް ބޭނުންވާ 6 މަސްދުވަހުގެ ޚަރަދާއި، އެ މުއްދަތުގައި ދަރިން ބެލެހެއްޓުމަށް ބޭނުންވާ އެހީތެރިކަން ހޯދުމަކީ މިވަގުތު އެންމެ މުހިންމު ކަމެވެ. މުޖުތަމަޢުގެ ފަރާތުން ލިބޭ ކޮންމެ އެހީތެރިކަމަކީ ޒިއާމްގެ ފަރުވާއަށާއި، އޭނާގެ ތިން ކުދިންގެ މުސްތަޤްބަލަށް އެޅޭ ހަރުދަނާ ބިންގަލަކަށް ވެގެންދާނެއެވެ.
ހަމައެންމެ ކުޑަކުޑަ އެހީއަކީވެސް ބޮޑު ބަދަލެއްގެ އަސްލަކަށް ވެދާނެއެވެ.
ﷲ ތައާލާ އެއްވެސް އަޅަކު އޭނާގެ އަޚާއަށް ވެދޭ އެހީއެއް ބޭކާރުކޮށްނުލައްވާނެތެވެ. ޒިއާމްގެ އާދޭހަކީ އޭނާގެ ކުޑަ 3 ކުދިންގެވެސް އަޑެވެ. އޭނާގެ މަންމަގެ ވެސް އަޑެވެ. ހެޔޮއެދޭ މިތުރުންވެސް އަޑެވެ. ﷲއަށްޓަކައި މި ޒުވާނާގެ ފަރުވާއަށް އެހީތެރިކަމެއް ފޯރުކޮށްދެއްވުން އެދި އާދޭސް ދަންނަވަމެވެ.
އެހީތެރިކަން ފޯރުކޮށްދިނުމަށް
ޒިއާމްގެ ފަރުވާއަށް އެހީތެރިކަން ފޯރުކޮށްދިނުމަކީ އޭނާގެ ތިން ކުދިންގެ މުސްތަޤްބަލަށްޓަކައިވެސް ކޮށްދެވޭނެ ބޮޑު ހެޔޮކަމެކެވެ. ޒިއާމަށް އެހީތެރިކަން ފޯރުކޮށްދެއްވުމަށް އެކައުންޓް ތަފްސީލު އަދި ގުޅޭނެ ނަމްބަރ؛
- ޒިއާމް އަބްދުލް ހާދީ – ގުޅޭނެ ނަންބަރު: 7774537
- ދިވެހި ރުފިޔާ އެކައުންޓް: 7713452749101
- ޑޮލަރު އެކައުންޓް: 7730000780313
ޒިއާމްގެ އާދޭހަކީ އޭނާގެ ކުޑަ ތިން ކުދިންނާއި ބަލި މަންމަގެވެސް އާދޭހެވެ. ދީލަތި އެހީތެރިކަމަކަށް އެދި އާއިލާއިން ކުރާ މި އާދޭހުގައި ބައިވެރިވެ، މި ޒުވާނާގެ ފަރުވާއަށް އެހީތެރިކަމެއް ފޯރުކޮށްދެއްވުމަކީ އާއިލާގެ ބޮޑު އުއްމީދެކެވެ.
