ދެކުނުގެ އަތޮޅުތަކަށް މިއަދު ހެނދުނު 6:00 އިން މެންދުރު 12:00 އަށް ނެރުނު ހުދު ސަމާލުގެ މުއްދަތު އިތުރު ކޮށްފިއެވެ.
މޫސުމާއި ބެހޭ ގައުމީ އިދާރާއިން ބުނީ، މިމުއްދަތުގެ ތެރޭގައި ލ. އަތޮޅުން ފެށިގެން އައްޑޫ ސިޓީއަށް ގަޑިއަކު 19 މޭލައި 24 މޭލާ ދެމެދުގެ ބާރުމިނުގައި ވައި ޖެހުން އަދި ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.
މޫސުން ގޯސްވެ ކަނޑުގަދަވުމުގެ ސަބަބުން ދަތުރުފަތުރު ކުރާ އެންމެހާ ފަރާތްތަކުންވެސް މޫސުމަށް ސަމާލުކަންދީގެން ދަތުރުވެރިންގެ ސަލާމަތާއި ރައްކާތެރިކަމުގެ ފިޔަވަޅު އެޅުމާއި، ސަލާމަތީ އެންމެހާ ކަންކަން ހަމަޔަށް ހުރިތޯ ބެލުމަށް ސަލާމަތީ ކަންކަމާ ބެހޭ އިދާރާތަކުން އިލްތިމާސްކުރައްވައެވެ.