ޤުރުއާން މުދައްރިސަކު ކިޔާދިނެވެ. “އަހަރެން ހިންގާ ޤުރުއާން ކުލާހުގެ ހިތު ދަސްކުރާ ކުލާހަށް ފިރިހެން ކުއްޖަކު ބައިވެރިވުމަށް އައެވެ. އަހަރެން އޭނާއަށް އެއްވެސް މިންވަރަކަށް ޤުރުއާން ހިތުދަސް ތޯ ސުވާލު ކުރީމެވެ. އެ ކުއްޖާ އާއެކޭ ބުނުމުން، ކިޔާލަ ދޭށޭ އަހަރެން ބުނީމެވެ. އެ ކުއްޖާ އަންމާފޮތް އެއްކޮށް ކިޔާދީފިއެވެ. އަހަރެން ފަހަރަކު ސޫރަތެއް ކިޔާދޭން ބުނުމުން އެ ކުއްޖާ ކިޔާދިނެވެ. ޚަތީމު އެއްކޮށް އެ ކުއްޖާވަނީ ހިތުދަސްކޮށްފައެވެ. އަނެއް ދުވަހު ބެލެނިވެރިޔަކާއި އެއްކޮށް އައުމަށް އަހަރެން އެ ކުއްޖާ ގާތު ބުނީމެވެ.
އެ ކުއްޖާ އަނެއް ދުވަހު އައި އޭނާގެ ބައްޕަ އާއި އެކުއެވެ. ބައްޕަ ފެނިފައި އަހަރެން އަޖައިބު ވީމެވެ. ބައްޕަ ހުރީ ވަރަށް ފެޝަންކޮށެވެ. ދީނީ އެއްވެސް ކަމެއް ނެތް ފަދަ މީހެކެވެ. އަހަރެން އެހެން ހުރުމުން އެ ކުއްޖާގެ ބައްޕަ ބުންޏެވެ.
“ތި ހުރީ އަހަރެން ހުރި ގޮތުން ހައިރާންވެފައި ދޯ؟ އަހަރެންގެ މިނޫނަސް އަދި ޤުރުއާން ހިތުދަސް 3 ކުދިން އެބަ ތިބި”
އަހަރެން އެއީ ކިހިނެއްތޯ ދަސްކުރީ އެހުމުން ބައްޕަ ބުންޏެވެ.
”އެކުދިންގެ މަންމައަކީ ވަރަށް ކިޔަވާ އަދި ގޭތެރޭގައި ޤުރުއާން ޖަހާ މީހެއް. ކޮންމެ ދުވަހަކުވެސް ކުދިންނަށް ވެސް ޤުރުއާނުގެ ކޮންމެވެސް މިންވަރެއް ހިތުދަސް ކުރަން ހަވާލު ކުރޭ. ކުދިން ބޮޑުވެގެން ދިޔައީ ޤުރުއާނަށް ލޯބި ޖެހިގެން. މިއީ ހުސް މަންމަގެ މަސައްކަތް. ”
މަސްދަރު: ޑިވޯޓަޑް ސާވެންޓް އޮފް ﷲ